ELECTROOKO rok guruhi va Jenisbek Piyazovning Orol orzusi timsoli

175

Bugun, 30-avgust kuni Respublika Turizm va sport vazirligida o‘ziga xos musiqiy loyihaning taqdimoti bo‘lib o‘tdi- o‘zbek ELEKTROOKO rok guruhi va O‘zbekiston xalq artisti Jenisbek Piyazovning “Ertaga” qo‘shig‘i ichun maxsus klipi namoyish etildi.
Klip Nikita Makarenko va O‘zbekiston Milliy kino komissiyasining “Orol orzusi” keng ko‘lamli loyihasining o‘ziga xos boshlanishiga aylandi.

Ssenariy muallifi, rejissyor va prodyuser taniqli jurnalist Nikita Makarenko bo‘lib, u ilgari “1984” ELEKTROOKO qo‘shig‘iga klipni suratga olgan. Loyiha O‘zbekiston Milliy kino qo‘mitasi bilan hamkorlikda amalga oshirildi.“Biz bu ishga barcha kuch va resurslarni sarfladik: Orolbo‘yi muammolariga, iqlim o‘zgarishiga va mintaqamizda suv saqlashning ahamiyatiga maksimal darajada e’tibor qaratish uchun hozirgi, haqiqiy san’at asarini yaratmoqchi edik. Umid qilamizki, butun dunyodagi ko‘plab odamlar ajoyib Qoraqalpoq xalqi va madaniyati bilan qiziqishadi va uni ziyorat qilishni istaydilar” - deydi Nikita Makarenko.

Musiqiy klip O‘zbekistonning ko‘plab aholisi uchun Respublika mustaqilligining 30 yilligiga, shuningdek, Orolbo‘yi mintaqasini 2021-yilda “Ekologik innovatsiyalar va texnologiyalar zonasi” deb e’lon qilgan BMT Bosh Assambleyasining rezolyutsiyasi qo‘llab-quvvatlanishiga haqiqiy sovg‘a bo‘ldi.

Qo‘shiq muallifi Ashot Danielyan, taniqli shoir, musiqachi va adabiy tanqidchisi hisoblanadi. Qo‘shiq O‘zbek va Qoraqalpoq tillarida O‘zbekiston va Qoraqalpog‘iston xalq artisti Jenisbek Piyazov hamda O‘zbekiston Davlat simfonik orkestri hamrohligida ELEKTROOKO guruhi tomonidan ijro etildi.

Videoda Qoraqalpog‘istonlik yangi aktyorlar va O‘zbekistonda xizmat ko‘rsatgan artist Seydulla Moldaxanovlar ishtirok etdilar.

Video mualliflarining so‘zlariga ko‘ra, suratga olishga tayyorgarlik bir yildan ko‘proq vaqt davom etgan. Video yozning o‘rtasida Qoraqalpog‘istonning og‘ir iqlim sharoitida: Ustyurt platosida, Barsakelmes tuzli yerlarida, Kubla-Ustyurt qishlog‘ida va Mo‘ynoq shahrida suratga olingan.

Videoklipni suratga olish uchun BI-2 guruhi Elj va Levan Goroziya guruhlari bilan faoliyat olib borgan, Rossiyaning eng muvaffaqiyatli rejissyorlaridan biri Dmitriy Volmer jalb qilindi.

“Orol orzusi” keng ko‘lamli loyihasi doirasida mualliflar shu nomdagi notijorat tashkilotini tuzdilar, u Orol muammolarini jahon ommaviy madaniyatiga olib chiqish, shuningdek, mintaqaning madaniy va intellektual rivojlanishiga har tomonlama o‘z hissasini qo‘shish maqsad qilib olingan.

Loyiha uchun ko‘plab qiziqarli loyihalar rejalashtirilgan: Nukusda katta ko‘p tarmoqli festival, Igor Savitskiy nomidagi Qoraqalpog‘iston davlat san’at muzeyida “Suv xotirasi” ko‘rgazmasi, Amerika Qo‘shma Shtatlarida xayriya bali, “Orol Orzusi” mangasini nashr etish va boshqa loyihalar.

“Orol orzusi” loyihalari va missiyasi haqida qo‘shimcha ma’lumotni Araldream.uz saytida topishingiz mumkin va klipning o‘zi ELEKTROOKO Youtube kanalida o‘zbekcha-ruscha va qoraqalpoqcha-ruscha talqinlarida va UzreportTV kanalida joylashtirilgan.

Loyiha hamkorlari - Zamin jamg‘armasi, O‘zbekiston Respublikasi Turizm va sport vazirligi, O‘zbekiston Respublikasi Ekologiya va atrof -muhitni muhofaza qilish davlat qo‘mitasi, Yoshlar bilan ishlash agentligi, Joqari Kenesi va Qoraqalpog‘iston Respublikasi Vazirlar Kengashi.

Hamkorlar qatoriga BMTning Orol dengizi mintaqasida inson xavfsizligi bo‘yicha ko‘p sheriklik ishonch jamg‘armasi, BMTning Axborot byurosi, BMTTD va Shveytsariya elchixonasi huzuridagi Shveytsariya byurosi kirdi.

Sharxlar

0

O‘z fikringizni qoldiring

Fikr qoldirish uchun siz ijtimoiy tarmoqlar orqali kirishingiz kerak:


Kirish orqali siz shaxsiy ma'lumotlarni qayta ishlashga rozilik bildirasiz

Shuningdek ko‘ring