ENG
RUS
CN
JPN
ARA
FRA
DE
POR
ESP
TUR
ITA
HIN
MALO‘zbekistonning turizm salohiyati “Russian Express”da targ‘ib qilinmoqda
O‘zbekiston Rossiyaning “Russian Express” sayyohlik kompaniyasi bilan hamkorlikni yo‘lga qo‘ydi. Bu respublikani sayohat uchun jozibador manzil sifatida har tomonlama targ‘ib qilish bo‘yicha strategik kampaniyaning bir qismidir.
Hamkorlik doirasida Rossiyaning oltita yirik shahri - Sankt-Peterburg, Qozon, Novosibirsk, Yekaterinburg va Moskvada bir qator seminarlar o‘tkazish rejalashtirilgan. Ushbu tadbirlar ikki mamlakat sayyohlik operatorlari o‘rtasida bevosita muloqot, tajriba almashish, yangi sayyohlik mahsulotlarini taqdim etish va ishbilarmonlik aloqalarini o‘rnatish uchun maydon vazifasini o‘taydi.
Har bir uchrashuvda turizm sohasining 500 dan 1500 nafargacha mutaxassislari: agentlar, turoperatorlar, sohaga oid OAV vakillari va boshqa ekspertlar ishtirok etishi kutilmoqda.
Bundan tashqari, ixtisoslashgan onlayn platformalar, ijtimoiy tarmoqlar, yangiliklar nashrlari va elektron pochta xabarlarini qamrab olgan keng ko‘lamli media kampaniyasini ishga tushirish ko‘zda tutilgan. Vebinarlar, promo-materiallar nashrlari, banner reklamalar - bularning barchasi rossiyalik sayyohlar orasida O‘zbekistonning taniqligini oshirish va mamlakatga sayohat qilishga qiziqishni rivojlantirishga qaratilgan.
Ma’lumot uchun:
“Russian Express” 25 yildan ortiq vaqt davomida tashqi turizm bozorida muvaffaqiyatli faoliyat yuritib, har yili o‘n minglab sayyohlarga xizmat ko‘rsatmoqda. Kompaniya butun dunyo bo‘ylab turlarning keng tanlovini taklif qiladi, shuningdek, butun Rossiya bo‘ylab agentlik tarmog‘i uchun ta’lim va targ‘ibot loyihalarini faol rivojlantiradi. Yuqori darajadagi tajriba va keng tarmoqli hamkorlik aloqalari tufayli “Russian Express” turizm sohasida ishonchli va innovatsion ishtirokchi sifatida o‘zini namoyon etdi.
Batafsil ma'lumot: https://r-express.ru/travel-live/otpravlaemsa-v-uzbekistan-nepovtorimaa-arhitektura-voshititelnye-bluda-i-ekskluzivnye-suveniry/
Izoh qoldirish
Tizimga kirish orqali siz qayta ishlashga rozilik bildirasiz Shaxsiy malumot
Shuningdek, oʻqing
Ish vaqti: 9:00-18:00, Du-Ju
Savollar uchun
O‘zbekiston
Izoh