Guliston

Sirdaryo viloyati qadim zamonlardan beri bir qancha davlatlar qaramog‘ida bo‘lib kelgan. Shular jumlasidan Ahamoniylar sulolasi, Arab xalifaligi, Somoniylar davlati, Temuriylar davlati, Chor Rossiya imperiyasi hisoblanadi. Bugungi kunda esa mazkur viloyat O‘zbekiston tarkibiga kiradi. Sirdaryoning maʼmuriy markazi “gullar o‘lkasi” maʼnosini anglatuvchi Guliston shahridir.

Guliston shahrini yangi deb hisoblash mumkin, chunki u 1895 yilda Achchiquduq qishlog‘i o‘rnida birinchi sug‘orish kanalining qurilishi bilan birga paydo bo‘lgan. O‘sha davrda qishloqqa birinchi temir yo‘l qurildi, bu uning rivojlanishiga katta turtki berdi. Kanal ochilgandan keyin qishloqqa Mirzacho‘l deb nom berildi.

Shu bilan birga bu yerda paxta yetishtirish boshlanadi va yangi kanal tufayli tez orada shahar butun mintaqadagi “oq oltin” yetishtirishning asosiy markaziga aylantirdi. 1961- yilga kelib Guliston to‘laqonli shaharga aylantirildi. Sovet davrida shahar yuzlab shunga o‘xshash shaharlardan unchalik farq qilmadi va mustaqillikka erishgandan keyingina o‘z qiyofasini ola boshladi. Hozirgi vaqtda shaharda qadimiy meʼmoriy yodgorliklar yo‘q, ammo undagi zamonaviy binolar O‘zbekistonning qadimiy shaharlari xususiyatlaridan foydalangan holda qurilganligi tufayli o‘z jozibasi bilan insonni jalb qiladi. Qiziqarli joylar orasida Tabiat uyi, Madaniyat bog‘i va kutubxonani ajratib ko‘rsatish mumkin.