Farg'ona
Farg‘ona sivilizatsiyasi beshigi
Farg‘ona
Eng yaxshi diqqatga sazovor joylar
Zamonaviy Farg‘ona - iqtisodiyoti va madaniyati rivojlangan yirik sanoat markazi. Bu yerda amaliy sanʼat, sheʼriy adabiyot va taʼlim anʼanalari saqlanib qolgan. Shaharga tashrif buyurganingizda quyidagilarni ko‘rishingiz mumkin:
✔️ Markaziy bog‘ va al-Farg‘oniy yodgorligi;
✔️ O‘lkashunoslik muzeyi va qo‘g‘irchoq teatri;
✔️ "Yangi Chek" va “Nur-Jomiy” masjidlari;
✔️ Rus drama teatri;
✔️ Farg‘ona davlat universiteti;
✔️ "Ofitserlar uyi";
✔️ Sergiy Radonejskiyning ibodatxonasi.
Farg'ona haqida video
Iqlim 🌡
Farg‘onada ob-havo vodiyniki bilan bir xil. Qish juda yumshoq va manfiy harorat juda kamdan-kam bo‘ladi, ammo keskin sovishi ham mumkin. Bunday paytlarda har doim zaxirada issiq narsalar bo‘lishi kerak. Yaxshiyamki, bu tez-tez sodir bo‘lmaydi va agar shunday bo‘lsa ham, ko‘pi bilan bir-ikki kunga cho‘ziladi.Yozda barqaror issiq bo‘ladi, uni vaqti-vaqti bilan issiq garmsil buzib turishi mumkin.
Sovg‘alar va suvenirlar 🛍
Farg‘ona vodiysi o‘zining hunarmandchilik ustaxonalari bilan mashhur. Farg‘onadan olib kelinadigan eng ko‘p sovg‘alar – kulolchilik, yog‘och o‘ymakorligi mahsulotlari va, albatta, xon atlas, adras va ipak kabi to‘qimachilik buyumlari hisoblanadi.Agar siz ozgina qimmatbaho vaqtingizni sarflab, Farg‘onadan50 km uzoqlikda bo‘lgan Rishtonga borsangiz, unda siz kulolchilik jannatiga tushasiz! Aynan shu shaharda qo‘rg‘oshin bilan naqsh yugurtirish usuli va yarim loydan yasalgan “chinni” nomi bilan tanilgan idishlar paydo bo‘lgan.
Suvenir va sovg‘alarni onlayn sotib olishOshxona 🍽
Farg‘onada noyob palov tayyorlanadi. Butun vodiyda bo‘lgani kabi, bu taomni tayyorlash uchun maxsus guruch navi – devzira ishlatiladi. Bu guruch noodatiy qizil-jigarrangga ega bo‘lib, taʼm jihatdan palov uchun juda mos keladi! Noyob lazzatni kasb etish uchun qoida tariqasida sarimsoq ishlatiladi. U guruch qo‘shmasdan oldin butunligicha solinadi. Vodiyning boshqa joylarida bo‘lgani kabi, Farg‘onada ham ajoyib mevalar o‘sadi. Mahalliy bog‘larning neʼmatlari nafaqat bozorlar va do‘konlarda, balki shaharning kirish qismida yo‘llar bo‘yida va hatto odamlar uylari yonida ham sotiladi. Barchasining narxi juda arzon, chunki Farg‘onada mevalar mo‘l-ko‘l. Bu yerda siz turli xil shirinliklar va boshqa milliy taomlarni, masalan, holva, paxlava, manti, lag‘mon, kabob, sho‘rva va boshqalarni ham tatib ko‘rishingiz mumkin.
Fotosurat zonalari 🙋♂️
Fotosuratlar har qanday sayohatning ajralmas qismi hisoblanadi! Ushbu bo‘limda sizni mazkur shaharning eng go‘zal joylari bilan tanishtiramiz.
P.S. O‘zbekistonning diniy diqqatga sazovor joylarini ziyorat qilishda ayollarga tananing ochiq joylarini (yelkalari, bel va oyoqlari) yopishlari tavsiya etilishini yodingizda saqlang. Bunday joylar tegishli shartli belgilar bilan alohida belgilangan. ☪️✝️✡️☦️
Tarix 🏺
Farg‘ona Farg‘ona vodiysining janubiy qismida joylashgan bo‘lib, O‘zbekistonning eng yosh shaharlaridan biri hisoblanadi. U 1876- yilda Qo‘qon xonligi Rossiya imperiyasiga qo‘shilgandan keyin tashkil topgan. Qurilish joyi Marg‘ilondan atigi 12 km uzoqlikda bo‘lib, shahar dastlab Yangi Marg‘ilon nomini oldi.
Shaharning diqqatga sazovor binolaridan biri harbiy qalʼa hisoblanadi. Qalʼa shaharning markazida joylashgan bo‘lib, uning atrofida yangi ko‘chalar paydo bo‘la boshlagan. Qalʼaning yonida katta istirohat bog‘i, Sanʼat saroyi qurilgan. 1907 yilda shahar Farg‘ona harbiy gubernatori Mixail Skobolev sharafiga Skobolev deb nomlandi va nihoyat 1924 yilda shahar o‘zining oxirgi nomi – Farg‘ona nomini olgan!
Farg‘ona bugungi kunda O‘zbekistonning muhim sanoat markazlaridan biridir. Uning sezilarli darajada o‘sishi faqat XX asrda boshlanib, mustaqillikdan so‘ng eng yuqori cho‘qqiga chiqdi. Hozirgi kunda shahar yaxshi vaqtichog‘lik uchun kerak bo‘lgan barcha talablarga javob beradi. Shaharda qadimiy diqqatga sazovor joylar deyarli yo‘q, ammo bu uning asriy daraxtlari bilan soyalangan ko‘chalari, zamonaviy infratuzilmasi, istirohat bog‘lari va cheksiz mehribon odamlarining go‘zalligidan bahramand bo‘lishga to‘sqinlik qilmaydi!
Farg‘ona atrofida ham dam olish uchun ajoyib joylar ko‘p. Masalan, Oloy tizmasi etaklarida, cheksiz ko‘kalamzor bog‘lar ichida Chimyon qishlog‘i bor, uning shifobaxsh manbalari butun vodiyga mashhur. Ushbu manbalar tufayli Markaziy Osiyoda eng katta «Chimyon» balneologik sanatoriy barpo etildi.
Xarita 🗺
O'zbekistonning boshqa shaharlari
Sayyohlar uchun mashhur joylar