Navoiy
Serquyosh zamin
Eng yaxshi diqqatga sazovor joylar
Navoiy respublikaning eng yirik maʼmuriy markazi va eng yosh shahri hisoblanadi.
Shaharda quyidagilarni ko‘rishingiz mumkin:
✔️ Xalqlar do‘stligi xiyoboni;
✔️ Alisher Navoiy nomidagi istirohat bog‘i;
✔️ Sergiy Radonejskiyning ibodatxonasi;
✔️ Hazrat Alisher Navoiy masjidi.
Navoiy haqida video
Iqlim 🌡
Navoiydagi iqlim quruq va aniq fasllarga ega. Yozda juda issiq, shuning uchun bosh kiyimlarni eʼtiborsiz qoldirmang va ko‘p suv ichishni ham unutmang. Qish odatda sovuq va qorsiz. Past namlik tufayli ko‘pincha harorat 0 ° S dan past bo‘ladi.
Sovg‘alar va suvenirlar 🛍
Navoiy asosan sanoat shahri sifatida yaratilganligi sababli, unda ko‘plab suvenir do‘konlari mavjud emas. Ammo siz sovg‘alarsiz ketmaysiz! Shaharda diqqatga sazovor joylarning deyarli barchasida hunarmandchilik do‘konlarini topishingiz mumkin. Shahardagi eng mashhur suvenirlar bu shaharning tasviriga ega magnitlardir. Shuningdek, siz mintaqaga xos bo‘lgan kiyim-kechaklari va albatta quritilgan tog‘ mevalarini topishingiz mumkin!
Oshxona 🍽
O‘zbekiston dunyoda go‘shtli taomlar bilan mashhur bo‘lgan oshxonaning markazidir! Har bir shaharda bitta taom turli xil yo‘llar bilan tayyorlanadi va shuning uchun faqat mamlakatning barcha shaharlarini kezib, qaysi bir oshxonaning eng mazali ekanligini aniq ayta olasiz.
Ushbu ro‘yxatdan Navoiy ham istisno emas. Har bir shaharning tashrif qog‘ozi – bu palov! Navoiyda u devzira deb nomlangan maxsus guruch navidan pishiriladi. Ushbu guruch O‘zbekistonda eng mazali va qimmatbaho hisoblanadi. U qizil-jigarrang rangli bo‘lib, pishganidan keyin u 7 baravar kattalashadi! Yetarli shiraga erishish uchun u yaxshi sharob singari ikki-uch yil saqlanadi. Shundagina u taʼmining eng yuqori cho‘qqisiga chiqadi va o‘ziga xos hidga ega bo‘ladi. Shuningdek, palovga qo‘y go‘shti, sariq sabzi, sarimsoq va dungan qalampiri qo‘shiladi. Ushbu taomning taʼmi unutilmasdir! Asosiy ovqatlar orasida dimlama, manti, sho‘rva va albatta six kabob turlarini ham ajoyib taomlar sirasiga kiritish mumkin. O‘zbek oshxonasi haqida ko‘proq maʼlumotni ushbu havolada o‘qishingiz mumkin.
Fotosurat zonalari 🙋♂️
Fotosuratlar har qanday sayohatning ajralmas qismi hisoblanadi! Ushbu bo‘limda sizni mazkur shaharning eng go‘zal joylari bilan tanishtiramiz.
P.S. O‘zbekistonning diniy diqqatga sazovor joylarini ziyorat qilishda ayollarga tananing ochiq joylarini (yelkalari, bel va oyoqlari) yopishlari tavsiya etilishini yodingizda saqlang. Bunday joylar tegishli shartli belgilar bilan alohida belgilangan. ☪️✝️✡️☦️
☪️ Deggaron masjidi O‘zbekistondagi islom madaniyatining eng qadimgi binolari biri hisoblanadi. Tarixchilarning fikriga ko‘ra, u miloddan avvalgi XI asrda qurilgan. U Navoiy viloyatining Xazora qishlog‘ida joylashgan.
Navoiyga sayohatga borganingizda, sizga o‘tovli istiqomatgohlarda to‘xtab o‘tishingizni maslahat beramiz. Chunki o‘tovning ichidagina siz haqiqiy ko‘chmanchilar hayotini tasavvur qilishingiz, uning barcha jozibalarini his qilishingiz va, albatta, g‘ayrioddiy suratga tushishingiz mumkin!
P.S. Xavotirlanmang u yerda elektr toki bor!?
Va, albatta, tuya minishni unutmang! Bu safaringizning eng unutilmas qismi bo‘ladi!
Tarix 🏺
Navoiy shahri nisbatan yaqin orada 1960 yilda barpo etilganligi unga mamlakatning eng yosh shahri maqomini beradi.
Shahar Toshkentdan 360 km uzoqlikda, Zarafshon daryosi bo‘yida joylashgan. U tog‘-kon sanoatining markazi sifatida yaratilgan, chunki uning atrofida qimmatbaho metallar va uran topilgan. Shaharga dunyoga mashhur olim, shoir va davlat arbobi Alisher Navoiy sharafiga nom berishgan. Shahar yangi bo‘lishiga qaramay, uni o‘rab turgan hudud uzoq va boy tarixga ega. Arxeologlar ushbu hududda qadimgi Baqtriya, Xorazm va saklarning madaniyati bilan bog‘liq ko‘plab obyektlarni topganlar. Shahardan unchalik uzoq bo‘lmagan joyda, atigi 45 km narida Sarmish darasi joylashgan. Bu haqiqatan ham afsonaviy joy!
Atigi 2 km hududda 4000 ga yaqin petrogliflar mavjud bo‘lib, ular orasida “qadimgi astronavtlar” tasvirlari ham bor.
Shuningdek, ushbu darada turli xil anomal hodisalar ro‘y beradiki, bu hudud ufologlarni va paranormal hodisalar sevuvchilarni o‘ziga jalb qiladi.
Bugungi kunda Navoiy – O‘zbekistonning asosiy sanoat markazlaridan biridir. Oltindan tortib to ulkan elektrokimyo zavodigacha bo‘lgan hamma narsani ishlab chiqaradigan ko‘plab yirik sanoat korxonalari shu yerda joylashgan
Xarita 🗺
O'zbekistonning boshqa shaharlari
Sayyohlar uchun mashhur joylar
Ish vaqti: 9: 00-18: 00, dushan-juma
Har qanday savol uchun
O'zbekiston