Ko'p beriladigan savollar | O'zbekistondagi sayohat, turizm haqida - FAQ | O'zbekistonda sayohat qilish uchun foydali ma'lumotlar

Ko‘p beriladigan savollar

O‘zbekiston qayerda joylashgan?

O‘zbekiston Markaziy Osiyoning qoq markazida joylashgan, bu holat mamlakatda yil davomida iliq va bulutsiz ob-havo bo‘lishi imkonini beradi. Respublika hududida ko‘plab noyob tabiiy va me’moriy obidalarni topish mumkin.

Sizning milliy taomlaringiz nimadan iborat?

O‘zbekistonning milliy taomlari - bu go‘shtdir! Ming yillar davomida mahalliy oshpazlar respublikamiz hududida paydo bo‘lgan retseptlarni saqlamoqda va takomillashtirib kelmoqda. Bu yerda yuzlab turli xil taomlar tayyorlanadi, ammo palov butun gastronomik tadbirning kulminatsiyasi hisoblanadi. 2016-yil 1-dekabrda u YUNESKO insoniyatning nomoddiy madaniy merosi ro‘yxatiga kiritildi. O‘zbek taomlari haqida ko‘proq ma’lumot oling.

O‘zbekiston nimani degani?

O‘zbekiston Respublikasi 1991-yil 30-sentyabrda "tug‘ilgan". Ushbu toponim “o‘zbek” - “erkin odam” va “iston” - “mamlakat” so‘zlarini birlashtirish natijasida hosil bo‘lgan.

Dunyoga mashhur o‘zbeklar bormi?

O‘zbekiston hududida ko‘plab taniqli odamlar tug‘ilgan! Butun dunyoda Avitsenna nomi bilan tanilgan Abu Ali ibn Sino buyuk tabib, faylasuf, musiqashunos va shoir bo‘lgan. Amir Temur yoki, boshqacha aytganda, Temurlang O‘rta Osiyoning eng katta hukmdorlaridan biri bo‘lgan. U Chingizxonning to‘g‘ridan-to‘g‘ri qarindoshi edi. O‘zining zakovati va qobiliyati tufayli u o‘z bayrog‘i ostida butun O‘rta Osiyoni Xitoygacha birlashtira oldi. Alisher Navoiy – taniqli o‘zbek shoiri va davlat arbobi. Uning 30dan ortiq she’riy to‘plami, dostonlari va ilmiy asarlari bizgacha yetib kelgan. Uning eng mashhur asari "Xamsa" deb nomlangan bo‘lib, u xalq eposiga asoslangan beshta doston to‘plamidir.

Yangi yilni o‘zbekistonliklar qanday nishonlaydi?

Tarixan shunday bo‘lganki, O‘zbekistonda Yangi yil ikki marta nishonlanadi. Birinchisi – xalqaro miqyosda qabul qilingan 1-yanvar. Bu vaqtda mamlakatni shod-xurramlik to‘lqini qoplab oladi! Odamlar dam olishadi, bir-birlarini tabriklashadi va albatta sovg‘alar ulashishadi! Ikkinchi Yangi yil 21-martda nishonlanadi va Navro‘z deb nomlanadi. Bu kunni ota-bobolarimiz tasodifan tanlamagan. Aynan 21-martda kun bilan tun teng keladi, bu esa Yerning yangi quyosh sikliga kirishini anglatadi.

O‘zbekistonda plyajlar bormi?

O‘zbekiston O‘rta Osiyoda joylashganligi sababli, u okeanga to‘g‘ridan-to‘g‘ri chiqa olmaydi, ammo mamlakatda sun’iy va tabiiy bir nechta ajoyib suv havzalari mavjud. Bularga Chorvoq suv ombori, Aydarko‘l ko‘li, Nefrit ko‘llari va boshqalar kiradi.

O‘zbekistonda eng ko‘p tashrif buyuriladigan joy qaysi?

Samarqand shahridagi Registon maydoni O‘'zbekistondagi eng mashhur joydir. Ushbu maskan o‘z hududidagi 1420-1660-yillarda qurilgan uchta ulug‘vor Sherdor, Tillaqori va Ulug‘bek madrasalari bilan mashhur.

O‘zbekistonda eng katta qaysi bayram nishonlanadi?

Navro‘z deb nomlangan bahorgi tengkunlik bayrami O‘zbekistonda juda keng nishonlanadi. Ushbu bayram Xurosonda bundan 3 ming yil avval paydo bo‘lgan va bu kun tasodifan tanlanmagan. Ushbu 21-martda kun bilan tun teng kelib, yangi astronomik yilning boshlanishini anglatadi. Bayramga tayyorgarlik qadimgi urf-odatlar va marosimlarga to‘la bo‘lib, ulardan eng mazalisi sumalakdir! Ushbu taomni tayyorlash uchun odatda barcha qarindoshlar yig‘ilib, bayramdan oldingi tunda ayollar ulkan qozon atrofida yig‘ilishadi, o‘yin-kulgu qilishadi, qo‘shiqlar kuylashadi va, o‘z navbatida, ushbu bug‘doy boshoqlaridan tayyorlanadigan taomni kavlashadi. Ertalab barcha do‘stlar va oila a’zolari bilan ushbu noyob ta’m va juda to‘yimli taomni baham ko‘rish odatiy holdir. Aytishlaricha, sumalak yeyishni boshlashdan oldin niyat qilish kerak va u albatta amalga oshadi!

Pasport

O‘zbekistonga borish uchun pasport/ xorijiy pasportning amal qilish muddati qanday bo‘lishi kerak?

Pasportning amal qilish muddati mamlakatda bo‘lishning kutilgan vaqtidan kam bo‘lmasligi kerak. Diplomatik pasportlar, havo kemasi ekipajiga tegishlilik guvohnomalari yoki dengizchining guvohnomalari ushbu hujjatga tenglashtirilib, agar bunday identifikatorlar mavjud bo‘lsa, u holda sizga pasport kerak emas bo‘ladi.

Agar mening pasportim amal qilish muddati bir oy ichida tugasa, men O‘zbekistonga bora olamanmi?

Xorijiy pasportingizning amal qilish muddati vizaga to‘g‘ri kelishi va vizangizning tugashidan ko‘pi bilan 90 kun oldin tugamasligi kerak.

Safar paytida pasport yo‘qoldi yoki o‘g‘irlandi. Nima qilish kerak?

Xavotir olmang, bunday holat keng tarqalgan va siz yagona emassiz. Bunday sharoitda siz xotirjam bo‘lishingiz va gid yoki mehmonxonadagi resepshnga joyiga murojaat qilishingiz kerak, shunda ular sizga davlatingizning O‘zbekistondagi diplomatik vakolatxonasiga murojaat qilishga yordam berishadi. Sizdan xorijiy pasportingiz va fotosuratingiz nusxasini taqdim etishingiz so‘raladi. Shundan so‘ng, sizga vatanga qaytishingiz uchun vaqtinchalik hujjatlar beriladi. Pasportingiz yo‘qolganligi to‘g‘risida zudlik bilan politsiyaga murojaat qilishingiz kerak.

Viza

O‘zbekistonga viza qanday olinadi?

O‘zbekistonga viza olishni haqida o‘ylayapsizmi? Sizdan talab qilinadigan narsa – internet va pasportingiz mavjud bo‘lishi. e-visa.gov.uz saytiga kiring, u yerda siz O‘zbekistonga elektron turistik viza olish uchun murojaat qilishingiz mumkin bo‘ladi. Agar siz O‘zbekiston bilan vizasiz aloqa mavjud bo‘lgan 86 mamlakat ro‘yxatiga kirsangiz, chiptalarni osongina sotib oling, chamadonlaringizni yig‘ing va Welcome to Uzbekistan!

Mamlakat uchun vizasiz rejim mavjud. O‘zbekistonda necha kun qolishimiz mumkin?

Avvaliga, siz qaysi davlatdan ketayotganingizni aniqlab olish lozim. Biz bilan vizasiz aloqalar o‘rnatgan davlatlar bor (ayrim MDH mamlakatlari). Fuqarolari bizda 30 kungacha, 60 kungacha va 7 kungacha bo‘lishi mumkin bo‘lgan davlatlar mavjud. Biz bilan vizasiz aloqalar o‘rnatgan mamlakatlarning to‘liq ro'yxati bilan https://mfa.uz/ru/consular/visa/ saytida tanishishingiz mumkin.

E-visa orqali arizani berdim, lekin tasdiqni olmadim. Nima qilishim kerak?

Biz bilan bog‘lanishingiz mumkin. Biz elektron vizani ishlab chiquvchilar bilan bog‘lanamiz va sizning elektron vizaga bergan arizangiz bo‘yicha yuzaga kelgan holat va muammolarni bilib olamiz.

Parvoz

O‘zbekistonga uchadigan samolyot turi, reys haqida ma’lumotni qanday olishim mumkin?

Jadvalda ko‘rsatilgan va chipta sotib olayotganingizda Sizga ma’lum bo‘lgan samolyot turi texnik yoki tijorat sabablariga ko‘ra o‘zgartirilishi mumkin. Siz uchadigan samolyot turini bilish uchun reysga chiqishni ro‘yxatga oladigan aeroport xodimiga murojaat qilishingiz kerak.

Reyslar, chiptalarni sotib olish va joyni bron qilish shartlari haqida ma’lumotni qanday va qayerdan olish mumkin?

Joylar soni, reyslar jadvali va tariflar to‘g‘risida ma’lumotni Siz uzairways.com saytida yoki "O‘zbekiston havo yo‘llari" aviakompaniyasining vakolatxonasi bilan bog‘lanib yoki chiptalarni sotish ofisiga murojaat qilib bilib olishingiz mumkin.

O‘zbekistondan jo‘nash kuni aeroportga soat nechada kelishim kerak?

O‘zbekistonga uchib keladigan va undan uchib ketadigan barcha reyslarni ro‘yxatdan o‘tkazish uchishdan 3 soat oldin amalga oshiriladi. Agar Siz parvoz uchun ro‘yxatdan o‘tgan bo‘lsangiz, ammo hanuz erkin zonada yurgan bo‘lsangiz, ismingiz reysga chiqishingiz uchun karnay orqali e’lon qilinadi.

O‘zbekistonda vaqtincha yashash uchun ro‘yxatdan o‘tish

Men onlayn ro‘yxatdan o‘tganman, yana mehmonxonada, militsiyada yoki boshqa joyda ro‘yxatdan o‘tishim kerakmi?

Endi sayyohlar mustaqil ravishda ro‘yxatdan o‘tishlari mumkin bo‘lib, albatta mehmonxonalarda yashashi va ichki ishlar bo‘limlarida ro‘yxatdan o‘tishi shart emas. Buni 3ta oddiy usul bilan amalga oshirish mumkin: 1. Mehmonni o‘zingizning uyingizda ro‘yxatdan o‘tkazish uchun siz “E-mehmon” mehmonlarni onlayn ro‘yxatdan o‘tkazish maxsus tizimidan foydalanishingiz mumkin. Mobil dasturni yuklab oling va avval tizimda o‘zingiz ro‘yxatdan o‘ting. 2. “e-mehmon.uz” internet saytidan foydalangan holda. Saytga kiramiz va Siz qaysi shaxslar (jismoniy yoki yuridik) turiga kirishingizni tanlaymiz, keyin hammasi xuddi mobil ilovadagi kabi bajariladi. Ma’lumotlarni kiritamiz va turistik yig‘imni to‘laymiz. Ro‘yxatdan o‘tish yakunlandi. 3. Uchinchi usul o‘z transportida yoki piyoda sayohat qilgan, transport vositasida yoki chodirda tunaydigan mustaqil sayyohlar uchun mo‘ljallangan. Ular istagan joylashtirish vositasining xodimlari yoki texnik vositasi yordamida (ularga mehmonxonalar, xususiy va mehmonni kutish uylari, tibbiyot muassasalari, dam olish maskanlari, motellar, pansionatlar va vaqtincha turar joy xizmatlarini ko‘rsatadigan boshqa joylar kiradi) o‘zlarini e-mehmon tizimida ro‘yxatdan o'tkazishlari kerak. Bunda sayyoh turistik yig‘imni joylashtirish vositasiga to‘laydi. Mustaqil sayyohlar mehmonxonalar, otellar, turistik bazalar, dam olish maskanlari va h.ning xodimlari, agar ularga murojaat qilinsa, ro‘yxatdan o‘tishga majburligigi bilishlari muhimdir.

Men 30 kun davomida O‘zbekistonning bir nechta shahariga bir martadan tashrif buyurmoqchiman. Men to‘xtash joyida ro‘yxatdan o‘tishim kerakmi yoki bir marta ro‘yxatdan o‘tishim kifoya qiladimi?

O‘zbekistonga tashrif buyurgan har bir sayyoh faqat bir marta e-mehmon tizimida ro‘yxatdan o‘tishi va O‘zbekistonning barcha shaharlariga sayohat qilishi kifoya.

Bolalar bilan sayohat

Men farzandim bilan ketyapman, borganimda menga qanday hujjatlar kerak bo‘lishi mumkin?

O‘zingiz bilan quyidagilarni olishingiz lozim: bolaning ota-onasidan biri bilan yoki ikkalasi bilan birga bo‘lishidan qat‘iy nazar, bolaning tug‘ilganlik to‘g‘risidagi guvohnomasining asl nusxasi (bu talab qonun hujjatlarida ko‘rsatilmagan, ammo chegarada ko‘pincha uni ko‘rsatishni so‘rashadi). Bundan tashqari, agar farzand ota-onalaridan biri bilan birga ketsa, ikkinchi ota yo onadan uni tark etishi uchun notarial tasdiqlangan roziligi kerak. Agar bola uchinchi shaxslar (buvisi, bobosi, akasi, singlisi, xolasi/ ammasi, tog‘asi/ amakisi) hamrohligida ketsa, ota va onaning farzandning ketishiga notarial tasdiqlangan roziligini olish kerak.

Bolalarni olib o‘tish qoidalari qanday?

Yoshi 7 kundan oshmagan bolalarni olib o‘tish tavsiya etilmaydi. Bolalar chiptasiga ham xuddi kattalardagi bagaj va qo‘l yukini bepul tashish me’yorlari qo‘llaniladi. 12 yoshgacha bo‘lgan bolalar faqat ota-onalari yoki ishonchlik shaxsning kuzatuvida olib o‘tiladi. 2 yoshgacha bo‘lgan bolalarga aviachiptalar yoki reysga posadka taloni beriladi. Bolali yo‘lovchilar samolyot saloniga 5 kg.dan oshmagan o‘yinchoqlar, oziq-ovqat, ko‘chma bolalar beshigini olib kirishlari mumkin.

O‘zbekiston bo'ylab sayohat

O‘zbekiston bo‘ylab shaxsiy/ ijaraga olingan mashinada sayohat qilish uchun qanday hujjatlar zarur?

O‘zbekistonda yo‘lda yoningizda haydovchilik guvohnomasi, texnik pasport va sug‘urta polisi bo‘lishi kerak. Agar siz mashina egasi bo‘lmasangiz, sizga notarius tomonidan tasdiqlangan ishonchnoma kerak bo‘ladi. Agar mashina yuridik shaxs nomiga ro‘yxatga olingan bo‘lsa, unda direktor imzosi va muhrga ega firma varaqasida yozilgan ishonchnoma talab qilinadi. Shuningdek, birinchi yordam tibbiyot qutichasi, o‘t o‘chirish moslamasi, avariyaviy to‘xtash belgisi va nurni qaytaradigan nimcha ham zarur bo‘ladi.

Aloqa

Chet el fuqarolari O‘zbekistonda uyali aloqa operatori abonenti bo‘lishi mumkinmi? Unga qayerda va qaysi vaqtda ulanish mumkin?

Agar Sizda O‘zbekistonda yashash uchun vaqtincha ro‘yxatdan o‘tish bo‘lsa yoki ro‘yxatdan o‘tgan bo‘lsangiz, Siz O‘zbekistonda ishlaydigan istalgan uyali aloqa kompaniyasining abonenti bo‘lishingiz mumkin. Siz kelganda uyali aloqa va internetga to‘g‘ridan-to‘g'ri mamlakat aeroportlaridagi turistik ma’lumot markazlarida yoki uyali aloqa abonentlariga xizmat ko‘rsatuvchi har qanday xizmat ko‘rsatish ofisida ulanishingiz mumkin.

Sug‘urta

Sug‘urta nima uchun kerak? O‘zbekistonda sayyoh undan qanday qilib foydalanishi mumkin?

Tibbiy sug‘urta polisi har qanday turpaketga kiritilishi shart. Agar siz sayohat paytida tibbiy yordamga muhtoj bo‘ladigan biron bir vaziyat yuzaga kelsa, siz polisda ko‘rsatilgan Call-markazga qo‘ng‘iroq qilishingiz, o‘zingizga tegishli ma’lumotlarni berishingiz hamda murojaat sababini va qayerda ekanligingizni xabar qilishingiz kerak. Shifokor mehmonxonadagi sizning xonangizga keladi. Agar zarur bo‘lsa, sizni klinikaga olib borishadi. Dori-darmonlar dorixonada retsept bo‘yicha mustaqil ravishda sotib olinadi. Ekstremal sport bilan shug‘ullanayotganda qo‘shimcha sug‘urta kerakligini bilish ham muhimdir. Masalan, dam olishning ekstremal turlariga toqqa chiqish, suv mototsikli, tog‘ chang‘isi yoki dayving va h.lar kiradi.

Joylashish

O‘zbekistondagi mehmonxonalarda qanday qilib ro‘yxatdan o‘tish mumkin?

Siz kelguncha joylashtirish vositalarida onlayn yoki mehmonxonaning o‘ziga kelganingizdan so‘ng ro‘yxatdan o‘tishingiz mumkin. Agar siz mustaqil sayyoh bo‘lsangiz, sizning iltimosingizga binoan har qanday joylashtirish vositasi ma’muriyati sizni ro‘yxatdan o‘tkazishi shart. Sizdan faqat vizali pasport va turistik yig‘imni to‘lash talab etiladi.

O‘zbekistonda mehmonxonani qanday bron qilish mumkin?

Agar siz O‘zbekistonda mehmonxonani bron qilishni xohlasangiz, booking.com, tripadvisor.com saytlariga yoki mybooking.uz mahalliy mehmonxonalarni bron qilish qidiruv tizimiga kiring. Bu yerda Siz hashamatli mehmonxonalardan oilaviy mehmonlar uylari va, hatto, o‘tov lagerlarigacha zamonaviy joylashtirish vositalarining to‘liq ro‘yxatini topishingiz mumkin.

O‘zbekistonda mehmonxonaga kunning qaysi vaqtida joylashish mumkin?

Dunyo bo'ylab mehmonxonaga joylashish va undan chiqib ketishning check-in va check-point yagona me‘yorlari qabul qilingan: chiqish soat 12:00 gacha, joylashish esa soat 14:00 dan keyin. Oddiy qilib aytganda, siz xonani jo‘nash kuni soat 12:00 gacha bo‘shatishingiz kerak, xonaga esa 14:00 dan keyin joylashishingiz mumkin bo‘ladi. Xonani navbatdagi mijoz uchun tayyorlashga orada 2 soat vaqt kerak. Agar siz mehmonxonaga soat 14:00 dan oldin kelgan bo‘lsangiz, lekin bo‘sh xonalar bo‘lmasa, vahima qilishga o‘rin yo‘q, mehmonxona baribir sizga xona beradi. Bunday holatda siz bagajingizni mehmonxonaning saqlash xonasida qoldirib, mahalliy yon-atrofni ko‘rishga borishingiz yoki mehmonxonaning foyesida bemalol o‘tirib, ro‘yxatdan o‘tishingizni kutishingiz mumkin. Esingizda bo‘lsinki, mehmonxona hech qachon past klassdagi xonalarni, hatto tig‘iz mavsumda ham bermaydi. Xaridorning manfaati har doim ustuvor hisoblanadi. Agar sizning uchib ketishingiz soat 17:00 ga rejalashtirilgan bo‘lsayu, siz soat 12:00 da xonadan chiqib ketishingiz kerak bo‘lsa, unda nima qilish kerak? Bunday holatda siz bagajingizni saqlash xonasida qoldirib, so‘nggi soatlarni diqqatga sazovor joylarni ko‘rish bilan o‘tkazishingiz mumkin. Agar bunday yondoshuv Sizga ma’qul kelmasa va jo‘nashdan oldingi so‘nggi soatlaringizni xonada o‘tkazmoqchi bo‘lsangiz, unda siz “late checkout” (kechiktirilgan chekaut) xizmatidan foydalanishingiz mumkin. Ushbu xizmat sayyohni aeroportga jo‘nashiga qadar mehmonxona xonasida bo‘lish huquqini saqlab qoladi.

Chipta sotib olish

Qanday qilib samolyot chiptalarini onlayn sotib olish mumkin?

Samolyot chiptalarini "O‘zbekiston havo yo‘llari" sayti orqali quyidagi havola bo‘yicha sotib olish mumkin: https://book.uzairways.com/ru/?806

Qanday qilib poyezd chiptalarini onlayn sotib olish mumkin?

O‘zbekiston bo‘ylab Sizni qiziqtiradigan poyezd chiptalarini E-ticket yagona to‘lov tizimi orqali quyidagi havola bo‘yicha olishingiz mumkin: https://e-ticket.railway.uz/lang-ru/index.html

Qanday qilib shaharlararo avtobus chiptalarini onlayn sotib olish mumkin?

Xalqaro va shaharlararo avtobus qatnovlari uchun chiptalarni avtoticket.uz tizimi orqali sotib olish mumkin.