The Jerusalem Post: O‘zbekiston. Iliq qabul va Buyuk Ipak yo‘lidagi yahudiy jamoalari

Isroildagi eng qadimgi va eng yirik ingliz tilidagi gazetalardan biri “The Jerusalem Post” shu yilning yanvar oyida O‘zbekistonning boy sayyohlik salohiyati haqida maqola chop etdi.

“Bugungi kunda O‘zbekistonda 130 ga yaqin millat vakillari bor, - deb yozadi nashr. - Bu yerda siz Yevropa, yaqin Sharq, Markaziy Osiyo, Eron va Uzoq Sharqqa xos qiyofalarni, shuningdek boshqa ko‘plab shakl va shamoyillarni uchratishingiz mumkin. Ammo, qayerga borsangiz ham, o‘zbeklar mehmonlarni kutib olish istagini bildiradilar va albatta, bu yahudiylar va isroilliklarga ham tegishli. Iliq tabassum va ko‘ksiga qo‘yilgan qo‘l hamma joyda kafolatlanadi.”

Nashr, shuningdek, O‘zbekiston turizm uchun ochiqligini hamda uning qamrovini kengaytirishga intilayotganini ta’kidlaydi. “Uzbekistan Airways” kompaniyasi Tel-Aviv va Toshkent o‘rtasida muntazam reyslarni amalga oshirmoqda va hozirda o‘zbekistonlik turoperator “Air Marakanda”, ya’ni tarixiy Samarqandda yangi aeroportni boshqaruvchi kompaniya Isroildan to‘g‘ridan-to‘g‘ri reyslarni qabul qilish bo‘yicha muzokaralar olib bormoqda.

“O‘zbekiston o‘zi qanday o‘lka?” - degan savolga mualliflar javob berishadi: - bu ajoyib mamlakat, o‘n ikki viloyat va Qoraqalpog‘iston Respublikasini o‘z ichiga oladi, mamlakat aholisi esa 36 million kishiga yetdi. Asosiy sayyohlik markazlari o‘rtasida sayohat Afrosiyobning qulay tezyurar poezdida amalga oshiriladi, u yerda ajoyib qahva beriladi.

Maqola mualliflari 2022-yil sentyabr oyida Shanxay hamkorlik tashkiloti sammiti, 2022-yil noyabr oyida Turkiy davlatlar tashkiloti sammiti, o‘tgan yilning dekabr oyida Toshkent xalqaro turizm yarmarkasi bo‘lib o‘tgan eng yirik ishbilarmonlik tadbirlari haqida ham so‘z yuritdilar.

Toshkent xalqaro turizm yarmarkasi mamlakatning barcha hududlariga diqqatga sazovor joylari, merosi va madaniyatini namoyish etish imkoniyatini berdi. Tadbir uchta ko‘rgazma zalini to‘ldirdi va Markaziy Osiyo miqyosida va undan tashqaridan ham tashrif buyuruvchilarni jalb qildi.

Garchi Islom mamlakatda asosiy din deb hisoblansada (94 foiz), bu yerda shahar hayoti juda qiziqarli va xilma-xildir. Aksariyat ayollar sochlarini yopmaydilar, lekin ko‘plab erkaklar diniy emas, balki madaniy jihatdan turli hududlarda turli xil bosh kiyimlarini kiyishadi. Bu yerda tashrif buyuruvchilarga ko‘p narsalarni taklif qilish mumkin, narxlar asosan juda hamyonbop, turar joylarning katta tanlovi va ajoyib tarixiy qadamjolar, jumladan, XV asr boshlariga oid, dunyodagi eng muhim rasadxonalardan biri, Doniyor payg‘ambar dafn etilgan joy va 2024-yilda Islom olamining sayyohlik poytaxti bo‘ladigan Xiva.

O‘zbekistonda ikki yahudiy jamoati birga yashaydi: diniy hamda sovet davrida rivojlangan, an’anaviy Buxoro va Ashkenazi jamoatlari. Shu bilan birga, Buxoro yahudiylari O‘zbekistonning tub aholisi hisoblanadi. Ular ildizlari uzoq o‘tmishga borib taqaladigan o‘ziga xos tojik-yahudiy lahjasida so‘zlashadilar.

Toshkentda yahudiylarning 3000 ga yaqin bo‘lgan katta qismi istiqomat qiladi, shuningdek, Samarqand va Buxoro sayyohlik markazlarida ham kichik jamoalar mavjud.

Buxoroda 2 ta sinagoga mavjud (XVI, XVII - XIX asrlar) – ulardan biri Labi Hovuz majmuasi yaqinida joylashgan.

Samarqandda mahalliy jamoalar a’zolari shanba marosimlarida qatnashadilar, bu taxminan 16-17 kishini tashkil qiladi va yahudiylarning muqaddas kunlarida bu raqam shahardagi ikkita ibodatxonaning biri bo‘lgan qubbali Gumbaz ibodatxonasida bir necha o‘nga ko‘payadi. Bino turar-joy hududidagi tor ko‘chada joylashgan. Bir vaqtlar o‘zbek yahudiylari jamoasi Xolokostdan qochgan yuzlab yevropaliklarni qabul qilganlar. Hozirgi kunda yahudiylarning aksariyati shahardan Isroil va AQSHga ko‘chib ketdilar.

“Ammo, avvalo, O‘zbekistonda sayyoramizdagi eng mehmondo‘st va mehribon odamlar mehnat qiladi, O‘zbekistonning Isroildagi Elchisi Feruza Mahmudova kabi, isroilliklarni o‘z vataniga tashrif buyurishga chorlashni o‘zining burchi deb biladi”.- deya qayd etadi Isroil nashri.

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:


Tizimga kirish orqali siz qayta ishlashga rozilik bildirasiz Shaxsiy malumot