Mark Veylning “Ilhom” teatri

Dastlabki nodavlat teatrlaridan biri – “Ilhom” 1976-yilda rejissyor Mark Veyl va Toshkent teatr-san’at instituti bitiruvchilarining bir guruhi tomonidan tashkil etilgan. Teatr boshidanoq erkin improvizatsiya qiluvchi, bir-birini so‘zsiz his etuvchi va tushunuvchi yakkaxonlardan iborat ansambl sifatida shakllangan.

Ko‘p yillik tarixi davomida “Ilhom” o‘z tomoshabinlariga ko‘p narsalarni yetkazishga ulgurdi: so‘zsiz spektakllar, klassikaning zamonaviy talqini, provokatsion va yorqin sahna ko‘rinishlari – “Ilhom” spektakllariga munosabat har doim turlicha bo‘lib kelgan – to‘liq hayrat va ziddiyatdan tortib shodlikkacha.

“Ilhom”ning zamonaviy repertuari o‘zining xilma-xilligi bilan ajralib turadi – jahon klassikasi asarlaridan tortib dunyoning turli mamlakatlaridan kelgan yosh mualliflarning ijod namunalarigacha, ularning ko‘pchiligi ilk bor aynan shu teatrda tomoshabinlar hukmiga havola etilgan.