Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Jazirama yoz kunlarining birida zerikib, dugonam bilan muzeyga borishga qaror qildik. Biz Toshkent geologiya muzeyini tanladik va bundan aslo afsuslanmadik. Muzey juda qiziqarli bo‘lib chiqdi. Ma’lum vaqt oralig‘iga biz bir necha o‘n million yillar avvalgi o‘tmishga tushib qoldik. Avvaliga kichkina hovliga kirdik. 
Eksponatlar taqdimoti o‘sha yerdan boshlanib ketgan ekan: pterodaktellarning o‘yilgan izlari tushib qolgan o‘rtacha o‘lchamdagi toshlar. Keyin ichkariga kirganimizda, bizni ekskursiya yo‘riqchisi kutib oldi. U xayrixohlik va ishtiyoq bilan muzeydan foydalanish bo‘yicha ko‘rsatmalar berdi. Eksponatlar zallariga dugonam bilan o‘zimiz kirdik. Muzeyda 40 mingdan ortiq turli eksponatlar bor ekan. Muzeyning oʻzi 12 ta zaldan iborat boʻlib, ularda togʻ-konchilik, alogiya, paleontologiya, Oʻzbekiston geologiyasi tarixi, Oʻzbekistonda qadimgi konchilik va geologik tadqiqotlarga oid mavzular yoritilgan. Yerda hayotning paydo boʻlishi haqidagi ekspozitsiyalarni oʻrganish juda qiziqarli boʻldi.
Paleontologiya zalida O‘zbekiston hududidan topilgan qadimiy mollyuskalarning chig‘anoqlari, organizmlarning turli qazilma qoldiqlari, hayotiy faoliyat izlari namoyish etilgan. Bunday eksponatlar orasida dinozavr skeletining maketi, turli umurtqasiz hayvonlarning qoldiqlari, qadimgi fillar, ularning tishlari va umurtqalari, shuningdek, o‘simliklar alohida ajralib turardi. 
Dinozavrlar zali katta taassurot qoldirdi. Hozirgi O‘zbekiston hududida bir vaqtlar tiranozavrlar, hattoki qadimgi akulalar ham yashaganligi bizni ajablantirdi. 
Bundan tashqari, O‘zbekistonda qazib olingan tosh va minerallarning taqdim etilgan namunalari bizga juda yoqdi. Katta zalda, stendlarda qimmatbaho toshlar aylanib, yoritilib turishi juda chiroyli manzara kasb etardi. 
Muzeydan chiqqanimizda kayfiyatimiz zo‘r edi, eng muhimi, vaqtimizni ham foydali, ham yoqimli tarzda o‘tkaza oldik.
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
