O‘zbekistondagi tematik restoranlart soni ortmoqda

Jahon iqtisodiyotining deyarli barcha sohalarini qamrab olgan koronavirus bilan bog‘liq global pandemiya, dunyo miqyosida qiyin vaziyatni yuzaga keltirdi. Uning salbiy ta’siri, ayniqsa, turizm va umumiy ovqatlanish sohasida aks etdi.

O‘zbekiston Respublikasi Prezidentining 2020-yil 28-maydagi № 6002 sonli “Koronavirus pandemiyasining salbiy ta’sirini kamaytirish uchun turizm sohasini qo‘llab-quvvatlashga doir kechiktirib bo‘lmaydigan chora-tadbirlar to‘g‘risida” gi farmoni va O‘zbekiston Respublikasi vazirlar mahkamasining 2020-yil 6-oktyabrdagi № 602 sonli “Koronavirus pandemiyasi tufayli yuzaga kelgan iqtisodiy vaziyatda turizm sohasi subyektlarini qo‘llab-quvvatlash va turizm infratuzilmasini rivojlantirish to‘g‘risida”gi qaroriga asosan joylardagi umumiy ovqatlanish sohasini qo‘llab-quvvatlash va rivojlantirish uchun grant mablag‘lari ajratilmoqda.

Shunday qilib, Namangan viloyatida “Rim” deb ataluvchi tematik kafe ochilgan edi. Pandemiya davrida uni qo‘llab-quvvatlash uchun, davlat tomonidan 100 million so‘m miqdorida grant ajratilgan. “Rim” tematik kafesi, turli-tuman yevropa taomlari to‘plami (70 dan ortiq) bilan taqdim etilgan. Kafening mijozlari, mazali italiya taomlari, jonli musiqadan bahra olishlari, qadimiy antik hayot atmosferasida estetik zavq olishlari va o‘zlarida yevropacha hashamatni his qilishlari mumkin.

Subsidiya olinishi kutilayotgan shunday muassasalardan biri, Buxoroda ham faoliyat ko‘rsatmoqda. Shahar markazidagi afsonaviy “Ark” qal’asi yaqinida, menyusida turli-tuman yevropa, sharq va milliy taomlari joy olgan “Sham” tematik restorani joylashgan.

Ochiq maydonda, o‘tovlar, stollar va milliy uslubdagi yog‘och karavotlar qulay joylashtirilgan bo‘lib ular qadimiy qal’a va shahar manzaralaridan zavq olish imkonini beradi.

Davlatimiz tomonidan mintaqalardagi tematik kafelarning moliyalashtirilishi, faqatgina pandemiya vaqtida restoranlar va umumiy ovqatlanish tizimini qo‘llab-quvvatlab qolmasdan, shaharlar infratuzilmalarini takomillashtirish imkonini beradi va mintaqalarning turizm salohiyatini rivojlantirishga yordam beradi.

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:


Tizimga kirish orqali siz qayta ishlashga rozilik bildirasiz Shaxsiy malumot