Namangan

Shaharda har doim g‘ayrioddiy suvenirlar yasaydigan hunarmandlar ko‘p bo‘lgan. Namangan bo‘ylab sayr qilsangiz, ko‘plab ustaxonalarni uchratishingiz mumkin va ularning har biri o‘ziga xosdir. Kulolchilik ustalari faqat ushbu shaharga xos bo‘lgan betakror uslubda bo‘yalgan laganlarni yaratadilar. Mahalliy mato alohida sifati bilan ajralib turadi, chunki shaharda paxtani qayta ishlash korxonalari mavjud va shu munosabat bilan 100 foiz paxtadan tayyorlangan mahsulotlar narxi nisbatdan past! Albatta, Namangan viloyatida joylashgan Chust shahri haqida ham unutmang. Qadim zamonlardan beri shaharning markazida temirchilarning butun bir dahasi joylashgan bo‘lib, u yerda qulayligi bilan ajralib turadigan dunyoga mashhur pichoqlar yaratiladi. Ushbu noyob pichoqlarni tayyorlash texnikasi bizga asrlar osha yetib kelgan. Ishlab chiqarilgan joyi va uni yaratgan usta ismi har bir pichoqqa yozilib, tutqichlar esa o‘zgacha ilhom bilan yaratilgan! Ular turli xil shaklda, eng oddiyidan tortib to qimmatiga qadar ishlab chiqariladi. Oddiy tutqichlar uchun plastmassa, organik oyna yoki qattiq turdagi daraxtlar ishlatiladi. Fil suyagi, sayg‘oq yoki kiyik suyagidan yasalgan qimmatbaho tutqichlar marvarid, kumush yoki rangli toshlar bilan bezatilib, ko‘zni qamashtiradi, naqshinkor va o‘yma naqshlar bilan bezatilgan metall esa zavq bag‘ishlaydi.