Rastalardagi go‘zallik, mo‘l-ko‘l mahsulotlar, keng qatorlar, xushmuomala sotuvchilar – bu sifatlar Toshkentning diqqatga sazovor joylaridan biri bo‘lgan Chorsu bozoriga tegishli. Bozordan atigi ikki daqiqa yo‘l yurgach, qadimgi Ko‘kaldosh madrasasi va Xo‘ja Ahror Vali masjidlariga borish mumkin.

“Eski Shahar”ning markazida Toshkentning asosiy diqqatga sazovor joylaridan biri, o‘rta asrlardan buyon mashhur bo‘lgan Chorsu bozori joylashgan. Ushbu bozorda siz bamisoli Sharq ertagiga tushgandek bo‘lasiz. Bozorda O‘zbekistonning butun tarixi mujassamlashgan bo‘lib, bu yerda siz sopol buyumlar, do‘ppilar, milliy liboslar, sharqona shirinliklar, ziravorlar, mevalar, sabzavotlar, loydan yasalgan buyumlar, qo‘l mehnati orqali ishlangan yodgorliklar, kitoblar, sovg‘alar, milliy matolardan tayyorlangan ro‘mollar va boshqa o‘zingizga kerakli mahsulotlarni topishingiz mumkin. Mahsulotlarning xilma-xilligidan ro‘yxat tuzishingizni ham iloji yo‘q.

O‘zbekistondagi eng yirik bozorning paydo bo‘lishi taxminan X asrlarga to‘g‘ri keladi. U Buyuk Ipak yo‘lidagi muhim markaz bo‘lgan to‘rtta savdo ko‘chalari chorrahasida tashkil etilgan. Savdo yil davomida amalga oshirilgan va bu yerda turli madaniyatlar bir-biriga bog‘langan holda faoliyat olib borgan. Savdo yo‘llarida chet ellik savdogarlarni, karvonlarni, do‘kon egalari, hunarmandlar, boy dehqonlar va oddiy ishchilarni uchratish mumkin bo‘lgan. 1000 yillar davomida Chorsu bozori o‘z ko‘rinishini o‘zgartirmagan.

Bozor ko‘k gumbazlar ostidagi bir nechta savdo bo‘limlardan iborat, ular: oziq-ovqat bo‘limi, uy-ro‘zg‘or buyumlari bo‘limi, gilam bozori, yopinchiq va to‘shak, zargarlik buyumlari va hunarmandchilikka oid mahsulotlar bo‘limlarida savdo olib borilgan.

Sirkni eslatuvchi katta ko‘k gumbaz ostida joylashgan oziq-ovqat pavilyoni alohida qiziqish uyg‘otadi. Undagi mahsulotlar biq qancha turlarga bo‘linadi. Misol uchun, sut mahsulotlari alohida, ziravorlar va quritilgan mevalar alohida rastalarda sotiladi. Qizig‘i shundaki, sut mahsulotlarini tanlash, ular orasida qatiq, qurt, suzmani tatib ko‘rish imkoniyati mavjud.

 Quritilgan mevalar va sharqona shirinliklar qatoriga borsangiz ko‘zlaringiz quvonadi. Quruq meva mahsulotlari rastasida sotiladigan turli xildagi mayiz, turshak, yong‘oq, sho‘rdanak, sedanali shirin yeryong‘oqlar shular jumlasidandir. Sharq shirinliklaridan esa novvot, parvarda, pashmak, holva va boshqa qandolatchilik mahsulotlari savdoda xaridorlar uchun hamisha mavjud.

Ziravorlar qatoridan huddiki rang barang cho‘l tepaliklariga o‘hshaydi ularning oldidan beparvo o‘tishning iloji yo‘q. O‘zbek taomlari Sharqning betakror qo‘shig‘i kabidir, ularni an’anaviy ziravorlar to‘plamisiz tayyorlashning iloji yo‘q: doljin, zafaron, qora va qizil qalampir, zira, koriander, quritilgan sabzavotlar va boshqa ziravorlar shular jumlasidan.

Oziq-ovqat paviloniga yaqin joyda milliy o‘zbek taomlarini tatib ko‘rishingiz mumkin bo‘lgan bir qator umumiy ovqatlanish shahobchalari mavjud. Ularga yaqinlashganingizda, uzoqdan palov, kabob, somsaning hush bo‘y isini his qilishingiz mumkin. Agar sizning qorningiz to‘q bo‘lsa ham, o‘zbek lazzatli taomlariga qarshi tura olmaysiz. Bu yerda siz Norin, Qazi go‘shti, Gumma, Hasip, qovurilgan baliq, Xonim, Manti, qo‘zichoq qovurg‘alari, qo‘zichoq go‘shtli no‘xatni tatib ko‘rishingiz uchun taqdim etaladi. Siz darhol ovqatlanih shahobchasida taomlar bilan lazzatlanishingiz, yoki o‘zingiz bilan birga olib ketishingiz mumkin, tandirdan yangi uzilgan issiq non ham yodingizdan chiqmasin. Lekin har qanday holatda ham Chorsu bozori umumiy ovqatlanish shahobchalari-bu o‘zbek gastronomiyasining haqiqiy lazzat makoni, Chorsu bozori haqiqiy ho‘randalar uchun sarguzasht maskanidir!

Chorsu bozori - aynan mana shu yerda o‘zbek madaniyatining, ming yillik tarixining bir qismi boshlanadi.

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:


Tizimga kirish orqali siz qayta ishlashga rozilik bildirasiz Shaxsiy malumot