O‘zbek six kabobining ta’riflab bo‘lmaydigan ta’mi va xushbo‘y hidi

4678

Shubhasiz, qo‘rada pishayotgan mazali go‘shtning ko‘cha bo‘ylab taraladigan hidi hammaga tanish. O‘zbekistonda go‘shtni juda xush ko‘rishadi va bu yerda uni juda ko‘p pishirishadi. Hammaga ma’lumki, eng mazali go‘sht – bu yaxshi tuzlangan va ochiq olovda pishirilgan six kaboblardir.

O‘zbek six kaboblari – tansiq va totli go‘sht nima ekanligini bilishning ajoyib imkoniyatidir. Xushta’m six kabobning atigi bir bo‘lagini bir marotaba tatib ko‘rsangiz, undan o‘zingizni to‘xtatib qolishning sira iloji bo‘lmay qoladi.

O‘zbekistonda six kabobning juda ko’p turlarini tayyorlashadi. Mumtoz o‘zbek six kabobi – bu ziravor va dorivorlar bilan tuzlangan, mayda to‘g‘ralgan dumba bo‘lakchalari bilan sixga tortilgan eng yumshoq go‘shtdir. Bunday six kabob odatda qo‘y go‘shtidan tayyorlanadi. Ammo six kabobning boshqa turlari ham mavjud: Jigar kabob (mol jigaridan kabob), Tovuq kabob, Beshpanja (birvarakayiga beshta sixga qadalgan go‘sht), Charvi kabob (charvi yog‘iga o‘ralgan go’sht).

Ammo eng keng tarqalgan six kabob va mahalliy odamlarning yoqtirgani – Qiyma kabobdir. Bu qiymalangan go‘shtdan qilinadigan kabob. Bunday kabobning birinchi bo‘lagidanoq hatto eng tajribali xushxo‘rlar ham zavq bilan ko‘zlarini qisishni boshlaydilar. Go‘sht og‘izda erib, yoqimli ta’m qoldiradi. Usti qizarib, ichi shirali pishgan go‘sht tilni zavqlantirib, erigan dumba va ajoyib ziravorlar to’plamining betakror ta’mini beradi.

Six kaboblar O‘zbekistonning hamma joyida pishiriladi, ammo six kabobi bilan mashhur bo‘lgan bitta ajoyib joy bor. Buxorodan 50 km masofada G‘ijduvon shahri joylashgan. Shahar X asrdan beri ma’lum bo‘lib, six kaboblari bilan mashhur. Agar siz buxoroliklardan qaysi six kabob eng mazali ekanligini so‘rasangiz, ular albatta G‘ijduvonniki deb javob berishadi. G‘ijduvon kabobining o‘ziga xosligi nimada ekanligini tushunish uchun sizga Buxoro viloyatida gastronomik o‘rganishga borishni maslahat beramiz. Chunki G‘ijduvon kaboblari allaqachon eng ajoyib mazali kabob brendiga aylanib bo‘lgan.

Telegram yangiliklari

O‘zbek six kabobining ta’riflab bo‘lmaydigan ta’mi va xushbo‘y hidi

Sayohatchiga

Yana ko'ring

Qozon patir – qozonda pishirilgan non

Ko’k somsa tayyorlashning oshpazlik video-retsepti

O'zbek taomi – bo’yin go’sht kabobni tayyorlashning video retsepti!