TXTY-2022

O‘zbekistonning top 5 ta stadioni

2659

O‘zbekistondagi futbol haqida gap borar ekan, bu mamlakatda uni nafaqat tomosha qilishni, balki bevosita o‘ynashni ham yaxshi ko‘rishlarini oldindan ta’kidlash zarur. Hatto shahar ko‘chalarida sayr qilish jarayonida ham, o‘nlab mini-futbol maydonlarini ko‘rishingiz, shuningdek, to‘pni maydonda jo‘shqinlik bilan o‘ynayotgan bolalarni ko‘rishingiz mumkin. Ularda hamma narsa “kattalarnikidek” mavjud: to‘liq kiyim, sevimli jamoaning formasi, haqiqiy futbol to‘pi va qattiqqo‘l, ammo adolatli hakam.

Futbol o‘yiniga borish bayram va katta voqea. Ba‘zan Superliga o‘yinlariga chiptalarni olish juda katta muvaffaqiyat hisoblanadi, chunki ular bir zumda sotilib bo‘ladi.

 O‘zbekiston futbol assotsiatsiyasi 1946-yilda tashkil etilgan. Bugungi kunga kelib, futbol bo‘yicha ikki mashhur chempionat mavjud: Superliga (Oliy divizion) va Pro-Liga (ahamiyati bo‘yicha 2-o‘rinda turuvchi liga). Bundan tashqari, xalqaro musobaqalarda ishtirok etayotgan O‘zbekiston milliy terma jamoasi ham yaxshi natijalarni namoyish etmoqda. 2019 yilda bo‘lib o‘gan so‘nggi Osiyo kubogida O‘zbekiston terma jamoasi 1/8 finalga chiqdi va 10-o‘rinni egalladi.

O‘zbekiston futbol klublari nafaqat ichki chempionatlarda, balki xalqaro musobaqalarda ham muvaffaqiyatli va muntazam ishtirok etib kelmoqdalar. “Paxtakor”, “Bunyodkor”, “Nasaf”, “Navbahor”, “Neftchi” kabi professional klublar sevimli klublardan biridir. Mahalliy jamoalarning chiqishlarini kengligi va jihozlari bilan ajralib turadigan muhtasham stadionlarda ko‘rish mumkin. Quyida kamida 20 ming kishi sig‘imiga ega stadionlar keltririlgan.

1. “Paxtakor” markaziy stadioni – O‘zbekistonning ajoyib stadionlaridan biri 1956 yilda ochilgan bo‘lib, 35 ming tomoshabinga mo‘ljallangan. Stadion Toshkent shahrida “Paxtakor” metro bekati yonida joylashgan. Dastlab u 50 mingdan ortiq kishini qabul qilishga mo‘ljallangan bo‘lgna, ammo rekonstruktsiya qilinganidan keyin sig‘im kamaygan. Ammo hozirda “Paxtakor” zamonaviy talablarga javob beradigan zamonaviy stadiondir.

2. “Milliy” poytaxtdagi 34 ming muxlis sig‘adigan katta stadion. U ikki qavatli sport majmuasi bo‘lib, unda nogironlar uchun o‘nlab joylar, VIP o‘rinlar, shuningdek, “O‘zbekiston futbol tarixi muzeyi” kabi ob’ektlar, kafe-barlar, tez ovqatlanish restoranlari, mashg‘ulot maydonchalari va boshqalar o‘rin topgan. Majmua asosiy maydondan tashqari qo‘shimcha ravishda yana ettita maydonga ega. U egallagan erning umumiy maydoni 37 gektarni tashkil etadi. Majmua arxitekturasi ayniqsa tunda chiroqlar bilan bezatilganda juda go‘zaldir.

3. “Buxoro Arena” – ayni shu nomli shaharda joylashgan sport majmuasi. 22 ming 700 tomoshabinga mo‘ljallangan stadion Buxoroning “Buxoro” futbol klubi uy arenasi hisoblanadi. Stadion o‘tgan asrning 60-yillarida qurilgan bo‘lib, faqat sport anjumanlarini o‘tkazish uchun foydalanilgan. U XXI asr boshlarida zamonaviy ko‘rinishga ega bo‘lib, ko‘p tarmoqli sport majmuasiga aylandi.

4. “Kosonsoy” stadioni – Namangan viloyatining Kosonsoy shahrida joylashgan ko‘p tarmoqli stadion. 22 ming kishiga mo‘ljallangan joylar Namangan shahridagi xuddi shu nomli futbol jamoasining o‘yinlarida tez to‘ladi. Stadion ulkan va go‘zal, sport va dam olish uchun juda yaxshi joy. Kirishning yonida sizni ikkita ulkan mumtoz futbol to’pi kutib oladi.

5. “Istiqlol” stadioni. “Istiqlol” sport majmuasi Farg‘onada joylashgan bo‘lib, 20 mingdan ortiq muxlisni qabul qila oladi. Zamonaviy va barcha zarur narsalar bilan jihozlangan chiroyli stadion 2015-yilda ochilgan. U xalqaro futbol o‘yinlari uchun ideal maydonga aylandi. “Istiqlol” – “Neftchi” futbol klubining uy arenasi hisoblanadi.


Sharxlar

0

O‘z fikringizni qoldiring

Fikr qoldirish uchun siz ijtimoiy tarmoqlar orqali kirishingiz kerak:


Kirish orqali siz shaxsiy ma'lumotlarni qayta ishlashga rozilik bildirasiz

Shuningdek ko‘ring