Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Ajablanish qobiliyatini yo‘qotmagan insonlar yo‘qolgan Oksiana Iskandariyasi haqida ajoyib videoni tomosha qilishlari mumkin. Videolavha sizni Surxondaryoning qadimgi o‘tmishiga, mamlakatimiz tarixchilari va meʼmorlari tomonidan aniq qayta tiklangan va tasvirlab berilgan o‘z armiyasiga, forpost va ulug‘vor saroyiga ega bo‘lgan ajoyib Kampirtepaga olib o‘tadi.
Amudaryoning o‘ng sohilidagi Termiz shahridan 30 km uzoqlikda qadimiy Baqtriya yodgorligi – Kampirtepa antik shaharchasining xarobalari joylashgan. 2018 yilda ilmiy arxeologlar Iskandar Zulqarnaynning qarorgohi Oksdagi qadimgi Iskandariya (Amudaryoning boshqa nomi) bir paytlar shu yerda joylashganligini isbotladilar. Arxeologik qazishmalar paytida madaniy qatlamlar topilib, buyuk sarkarda kelgan davrga tegishli yangi buyumlar aniqlangan.
Kampirtepa shahridagi hayot kamida 500 yil davom etgan va tarixchilar uni uchta tarixiy davrga ajratishadi:
1. Dastlabki bosqich – bu Iskandar Zulqarnaynning Kampirtepa shaharchasiga kelishi (mil. av. IV - II asrlar).
2. Kushon-Yuyeji davri – eng barqaror va osoyishta davr (mil. av. II - I asrlar).
3. Kushon davri – Kampirtepaning eng yuqori gullab-yashnashi davri (mil. I - II asrlar).
Hozir Kampirtepa tarkibiga chuqur xandak va qalʼadan iborat “Quyi shahar” kiradi. “Quyi shahar” to‘rtburchakli minoralari bo‘lgan qalin devor bilan himoyalangan. “Quyi shahar” ning ichida to‘rtta katta bloklarga birlashtirilgan va yo‘laklar bilan ajratilgan turli xonalar mavjud. Shaharning mustahkamlangan qismida asosan qabristonlar joylashgan. Shuningdek, ushbu hududda buddaviylik ibodatxonasi qoldiqlarini, xalq ijodiyoti namunalarini, turli tarixiy davrlarning meʼmoriy va dizayn yechimlarini ko‘rish mumkin, bu esa o‘z navbatida olimlar va tarixchilarning qiziqishiga sabab bo‘lmoqda.
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
