Toshkent viloyatidagi eng mashhur dam olish maskanlari beshligi

Toshkentning diqqatga sazovor joylaridan biri bu uning atrofi, yaʼni G‘arbiy Tyan-Shanning chiroyli tog‘laridir. Toshkentdan avtomashinada bir soatdan ko‘proq vaqt uzoqlikka yurilsa, Chimyon tog‘larining ajoyib joylariga yetib olish mumkin.

Bunday joylarda hamma o‘zini erkin va yengil his qiladi, chunki bu yerda nihoyatda baland ko‘k osmon, toza havo, ranglarning boy aralashmasi va sukunat shahar aholisi uchun mutlaqo g‘ayrioddiy.

Agar siz toza billur buloqlarni, shudring tomchilari va gullarning cho‘g‘ ranglari bilan qo‘shilib ketgan zumrad dalalarni ko‘rishni istasangiz, “Amirsoy dam olish maskani” ga xush kelibsiz. U yerda siz xiyobon mehmonxonalariga joylashishingiz, uzunligi 2193 metrlik yo‘laklarda gondolaga minib uchishingiz, tog‘ suvli oqimlarida piyoda sayr qilishingiz va boshqa ko‘p narsalardan bahramand bo‘lishingiz mumkin.

Sog‘lig‘ingizni yaxshilash va tiklash uchun eng yaxshi yechim tibbiy va sog‘lomlashtirish maskanlariga borishdir, ulardan biri "Humson Buloq". Ushbu markaz yurak-qon tomir tizimi, nafas olish tizimi, mushak-suyak tizimida kasalliklari bo‘lgan bemorlarga dam olishni davolash orqali amalga oshiradi. Sizga har bir bemorga individual yondashgan holda malakali fizioterapevtik davolash beriladi.
«Bildirsoy» tog‘ kurorti sizni Ugam-Chotqol milliy bog‘ining go‘zal joylari, doim yashil tog‘ qarag‘aylari, shinam kottejlari va mehmonxonalari bilan zavqlantiradi. Dengiz sathidan 1700 metr balandlikda joylashgan bo‘lib, majmua 46 gektarni tashkil etadi. Yashil maydon tabiatning bir qismi kabi his qilish va tog‘larning atmosferasiga butunlay qorishib ketish imkonini beradi.
Bildirsoydan uzoq bo‘lmagan joyda hamma mavsumlar davomida ishlaydigan yana bir dam olish maskani – "Chimyon" joylashgan. U dengiz sathidan 1600 metr balandlikda joylashgan. Sayyohlik majmuasi qishda qorning ajoyib ko‘rinishini va yozda ajoyib vodiyni taqdim etadi. Chimyon hududida mehmonxonalar, dam olish maskanlari, bolalar oromgohi, restoran va kafelar mavjud.
Chimyondan 30 km uzoqlikda butun O‘zbekistonning eng go‘zal joylaridan biri – Chorvoq suv omborini ko‘rishingiz mumkin. Ko‘plab dam olish maskanlari, mehmonxonalar: «Yusufxona», “Piramidalar”, “Layner”, “Green Sanyon Uzbekistan”, «Nebesa» va boshqa ko‘plab dam olish maskanlari sayohatchilarga toza suv havzasidan bahramand bo‘lish, tog qoyalari tepasiga chiqish, suv bo‘yida yog‘och karavotlarda o‘tirib hordiq chiqarish hamda sohilda quyosh nurida dam olish uchun ajoyib imkoniyat yaratadi. Chorvoqda barcha turdagi suvda suzadigan jihozlarga minish, skuterlar va qayiqlarda suzish, shuningdek paraplanda uchish mumkin.

O‘zbekiston tog‘larida dam olish - bu o‘ziga xos qayta tug‘ilish va hayotni yangidan boshlashdir. Bu yerda sukunat va havoni his qilish hamda ulug‘vor tabiatdan cheksiz zavqlanish mumkin. Taʼtil maroqli o‘tishi va siz uchun unutilmas daqiqalar bo‘lib qolishini tilab qolamiz!

*Suv havzalariga tushishdan, kema, qayiq va boshqa turdagi texnika vositalaridan foydalanishdan oldin o‘zingiz va farzandlaringizning xavfsizligiga e’tiborli bo‘ling.

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:


Tizimga kirish orqali siz qayta ishlashga rozilik bildirasiz Shaxsiy malumot