Toshkentdagi Ekopark

10749

Oilangiz yoki do‘stlaringiz bilan shahardan chiqmasdan tabiat qo‘ynida dam olganingizga ancha bo‘ldimi? Bunday hordiq chiqarishning haqiqatan ham imkoniyati bor.

Poytaxtimiz markazida, Mirzo Ulug‘bek tumanida noyob tabiiy dam olish maskani – Zaxiriddin Bobur nomidagi Markaziy ekopark joylashgan.

Bog‘ poytaxt aholisi va mehmonlarining sevimli dam olish maskani sanaladi. Bu yerda yaqinlaringiz bilan hordiq chiqarishingiz uchun hamma narsa: yugurish va velosiped yo‘lkalari, tomosha maydonchasi, bolalar uchun o‘yin maydonchasi, futbol, badminton, voleybol maydonlari va boshqalar muhayyo qilingan.

Shuningdek, bog‘ o‘zida joylashgan favvora, ko‘l, ko‘prik hamda xorijlik dizaynerlar tomonidan loyihalashtirilgan o‘ziga xos Muhabbat oroli bilan barchani o'ziga jalb etadi.