Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Boy tarixga nazar
Qadimiy Qarshi shahri 2006-yilda YUNESKO shafeligida 2700 yillik yubileyini nishonladi. Buyuk Aleksandr Makedonskiy bu yerda bo‘lgan. Afsonada aytilishicha, shaharda mashhur jasur va so‘g‘d harbiy qo‘mondoni Spitamen tug‘ilgan. Uning jasoratidan Makedonskiy hayratda qoldi. Shaharda turar-joy binolari va shahar infratuzilmasi bilan birgalikda bir nechta qadimiy ibodat joylarini ko‘rishingiz mumkin.
✔️ Abu Ubayd ibn Jarrohning yodgorlik majmuasi;
✔️ Qarshi ko‘prigi;
✔️ Odina madrasasi va masjidi;
✔️ Ko‘k-Gumbaz masjidi;
✔️ Kulichboy madrasasi;
✔️ Xuja Abdulaziz madrasasi;
✔️ Sardoba;
✔️ Qarshi hammomlari.
Iqlimini dashtlarga xos deb taʼriflash mumkin, juda kam yog‘ingarchilik va qurg‘oqchilik bilan xarakterlanadi. Yoz issiq, qishi esa ko‘pincha sovuq, ammo qorsiz.
Qarshiga kelganda diqqatga sazovor joylar tasvirlari tushirilgan suvenirlarni sotib olishni unutmang. Shaharda mahalliy naqshlar bilan bezatilgan idishlar, lavhlar, o‘yma naqshli yog‘och sandiqchalar va albatta, mahalliy hunarmandlar tomonidan qimmatbaho va yarim qimmatbaho metallardan yasalgan zargarlik buyumlarini topishingiz mumkin.
O‘zbekiston bo‘ylab sayohat qilar ekansiz, Qashqadaryo taomlaridan ham albatta ta'tib ko'rishni unutmang. Bu yerda eng ajoyib taomlardan biri, qadimgi zamonlardan bizgacha yetib kelgan retseptlar asosida tayyorlanadigan zira bilan pishirilgan qo‘y go‘shti – tandir go‘sht hisoblanadi. Sizni befarq qoldirmaydigan mahalliy oshxonaning yana bir taomi – somsadir! Tandirdan yangi uzilgan somsaning sehrli hidini taʼriflashga so‘z ojiz. Somsa odatda pomidorli achchiq sous bilan dasturxonga tortiladi. Bu yerda tayyorlangan rang-barang taomlar orasida Qashqadaryo palovi, chuchvara va no‘xat sho‘rvani alohida ajratib ko‘rsatish mumkin. Shuningdek, qatiqdan tayyorlangan betakror ichimlik – chalop ham shu yerda tayyorlanadi.
Fotosuratlar har qanday sayohatning ajralmas qismi hisoblanadi! Ushbu bo‘limda sizni mazkur shaharning eng go‘zal joylari bilan tanishtiramiz.
P.S. O‘zbekistonning diniy diqqatga sazovor joylarini ziyorat qilishda ayollarga tananing ochiq joylarini (yelkalari, bel va oyoqlari) yopishlari tavsiya etilishini yodingizda saqlang. Bunday joylar tegishli shartli belgilar bilan alohida belgilangan. ☪️☦️✡️✝️
Qarshi ko‘prigi 1583 yilda qurilgan bo‘lib, hozirgi kunda Markaziy Osiyodagi eng qadimgi ko‘priklardan biri hisoblanadi.
☪️ Ko‘k Gumbaz masjidi shahardagi eng katta va chiroyli masjid hisoblanadi. U qadimiy Namozgoh masjidi joylashgan joyda XVI asrda qurilgan.
☪️ Odina masjidi va madrasasi mintaqa hududidagi birinchi va yagona ayollar taʼlim muassasasidir. U Chingizxonning o‘g‘li Chig‘atoy avlodidan bo‘lgan Kebekxon saroyi o‘rnida qurilgan. Bugungi kunda ushbu majmuada kichikroq muzey faoliyat yuritadi va u tashrif buyurish va unutilmas fotosuratlar olish uchun har kun ochiq!
Arxeologlarning fikriga ko‘ra, shaharda birinchi manzilgoh miloddan avvalgi VII asr atrofida paydo bo‘lgan. Shu davrda shahar atrofida birinchi mudofaa devori qurilgan bo‘lib, uning xarobalari bugungi kungacha saqlanib qolgan. O‘sha qadimgi davrlarda mazkur joy Navtak deb nomlangan bo‘lib, so‘g‘d tilida “yangi bino” degan maʼnoni anglatgan.
Shahar Buyuk Ipak yo‘li hududida joylashganligi sababli, bosqinchilar eʼtiborini doimo tortgan. Samarqand va Buxorodan Hindistonga yo‘l ham u orqali o‘tar edi.
Keyinchalik, IX-XIV asrlar oralig‘ida shahar Naxshab deb nomlangan va 1346 yilda Amir Temurning buyrug‘iga binoan bu yerda mustahkam saroy qurilgan, shu sababli shahar o‘zining hozirgi nomlanishi – Qarshi nomini olgan, bu turkiy tilda “istehkom” degan maʼnoni anglatadi. Shu vaqtdan boshlab shahar doimiy ravishda gullab-yashnadi va obodonlashtirildi.
Shayboniylar sulolasi hukmronligi davrida u o‘z rivojlanishining cho‘qqisiga yetdi va XVIII asrga kelib Buxoro xonligida ahamiyati bo‘yicha ikkinchi shaharga aylandi. Hozir Qarshi shahri 2700 yoshda bo‘lib, Qashqadaryo viloyatining maʼmuriy markazidir. Shahar hududida ko‘plab tarixiy obidalar saqlanib qolingan.
Turistlar uchun mashhur yo'nalishlar
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL