Sayyohlar uchun

Geografik va fazoviy joylashuvi: Yer sayyorasi, Yevrosiyo qit’asi, Markaziy Osiyo.
Maydoni: 447,4 ming kv. km.
Aholisi: 34 million kishi.
Millatlar: mamlakatda 134 dan ortiq millat vakillari yashaydi, ammo aholining asosiy qismi o‘zbeklardir (83,8%).
Hududlar: 12 viloyat + Qoraqalpog‘iston Respublikasi.
Mashhur shaharlari: Toshkent, Samarqand, Buxoro, Xiva, Shahrisabz, Termiz, Qo‘qon, Farg‘ona, Mo‘ynoq.
Poytaxti: Toshkent.
Til: asosiy til – o‘zbek tili, xalqaro aloqa tillari - rus, ingliz.
Din: O‘zbekiston – dunyoviy davlat, aholining ko‘p qismi musulmon. Shuningdek, mamlakatda xristianlik, buddizm va boshqa dinlarning vakillari istiqomat qiladi.
Soat mintaqasi: UTC +5.
Internet zonasi: .uz.
Xalqaro telefon kodi: +998.
Pul birligi: so‘m.
Iqlimi: Qishi yumshoq, yozi issiq.

O‘zbekiston – quyoshli mamlakat, yilning istalgan vaqtida bu yer chiroyli.
Bahor va kuz baxmal mavsumi bo‘lib, bu vaqtda Siz o‘lkamizning tabiatidan zavqlanishingiz, mashhur diqqatga sazovor joylarni ko‘rishingiz va Buyuk Ipak yo‘li bo‘ylab o‘tishingiz mumkin.
Qishda haqiqiy qorli go‘zallikni ko‘rish uchun to‘rtta tog‘-chang‘i kurortlaridan biriga borishingiz, shaharda muzeylarga, san’at galereyalariga borishingiz, bahorda bizning ajoyib milliy festivallarimizga tashrif buyurishingiz mumkin, yozda esa shahar tashqarisiga yoki tog‘lar tomon otlanib, O‘zbekistonning qo‘riqlanadigan joylarida piyoda sayr qilgan holda toza tog‘ havosidan bahramand bo‘'ling. Bular yilning istalgan vaqtida shug‘ullanishingiz mumkin bo‘lgan ishlarning ozgina qismi xolos.
O‘zbekistondagi iqlim asosan issiq va quruq, shuning uchun yozda bu yerda ob-havoga oson chidash mumkin, qishi esa asosan iliq bo‘ladi.

Eng sovuq oyda harorat -6 darajadan pastga tushishi mumkin, eng issiq oyda esa harorat  32 darajadan oshadi.

O‘zbekistondagi chilla

O‘zbekistondagi chilla haqida eshitganmisiz? Chilla o‘zbek tilida "40 kun" degan ma’noni anglatadi. Odamlar 40 kun yozning jaziramasi va qishning eng sovuq davrini shunday deb atashadi. Yozda chilla 20 iyundan keyin boshlanadi va avgust oyining boshida tugaydi. Qishki chilla davri dekabr oyining o‘rtalarida boshlanadi va deyarli yanvar oxirigacha davom etadi. Shu bois, bu vaqt uchun quyosh kremi, ko‘zoynak va qalpoqlarni tayyorlab qo‘ying.

Yangi davr, yangi xavfsizlik echimlarini talab qiladi. Koronavirus tarqalish xavfi hozir ham dolzarb bo‘lib qolmoqda va jismoniy va hissiy salomatlikka salbiy ta‘sir ko‘rsatmoqda. Endi har qanday sayohatchi sayohatidan oldin beixtiyor xavfsizlik choralari va sanitariya-gigiyena me‘yorlari haqida o‘ylaydi.
Qanday qilib sayohat qilish istagingizni saqlab qolgan holda pandemiyaning salbiy ta‘siridan qutulish mumkin? Yechim bor! Ya‘ni, har bir sayyohning xavfsizligi uchun mas‘ul mutaxassislar va maxsus xizmatlarga ishonish. Ushbu maqsadlar uchun xalqaro standartlarga javob beruvchi barcha sanitariya me‘yorlariga rioya qilinadigan “Uzbekistan. Safe travel GUARANTEED”, xavfsiz turizm tizimi ishlab chiqildi.

Aslida bunday tizim O‘zbekistondagi COVID-19 ga qarshi kurash bo‘yicha sanitariya-gigiyena tadbirlariga qat’iy rioya qilishni nazarda tutadi. Barcha turistik ob’ektlar, tegishli infratuzilmalar, jamoat joylari, ishlarini davom ettirish uchun maxsus ruxsatnoma yoki sertifikat olishlari zarur. Joylashtirish vositalari (mehmonxonalar, mehmon uylari, yotoqxonalar va boshqalar), barcha davlat chegara punktlari, havo, temir yo‘l va avtostantsiyalar, moddiy madaniy meros ob’ektlari, muzeylar, teatrlar va boshqa madaniyat maskanlari shunday ob’ektlarlar jumlasidandir.

“Uzbekistan. Safe travel GUARANTEED” xavfsiz turizm tizimining tadbirlar to‘plamiga nimalar kiradi?

• ✔️Mamlakatga kirib kelishingiz bilan, sizni oldindan dezinfektsiya qilingan va yarmi to‘lgan transport vositasi kutib oladi. Niqoblarni yechishga ruxsat berilmaydi.
• ✔️Mehmonxona yoki boshqa joyga kirishda xavfsizlik xizmati xodimi haroratingizni o‘lchaydi va tozalash vositasini beradi.
• ✔️Barcha xodimlar niqob taqishlari va qo‘lqop kiyishlari shart.
• ✔️Xodimlar va mehmonlar o'rtasidagi aloqalarni imkon qadar kamaytirish nazarda tutilgan. Kamroq aloqa - kamroq xavf.
• ✔️Faqat xavfsiz masofadan muloqot qilish mumkin.
• ✔️️Jamoat ovqatlanish joylarida stol va stullar xavfsiz masofada joylashtirilgan.
• ✔️Barcha ijtimoiy foydalanish vositalariga kuniga bir necha marta antiseptik vositalar bilan ishlov beriladi.
• ✔️Barcha jamoat joylarida antiseptiklarni bemalol olish imkoniyati mavjud bo‘ladi.
• Batafsil ma'lumot

1 yanvar – Yangi yil
14 yanvar – Vatan himoyachilari kuni
8 mart – Xalqaro xotin-qizlar kuni
21 mart – Navro‘z bayrami
9 may – Xotira va qadrlash kuni
1 sentyabr – Mustaqillik kuni
1 oktyabr – O‘qituvchilar va murabbiylar kuni
8 dekabr – Konstitutsiya kuni
Iyd al-Fitr (diniy bayram) – sanasi o‘zgarib turadi
Iyd al-Adha (diniy bayram) – sanasi o‘zgarib turadi

O‘zbekistondagi barcha davlat muassasalari 8 soatlik ish tartibida ishlaydi.
Davlat muassasalari (banklar, elchixonalar va konsulliklar) – soat 9:00 dan 18:00 gacha yoki 8:00 dan 17:00 gacha, tushlik 13:00 dan 14:00 gacha.
Maxsus xizmatlar – tez tibbiy yordam, dorixonalar, FVV, yong‘in xavfsizligi xizmati, militsiya, transport kompaniyalari: aeroport, temir yo‘l stansiyalari tunu kun (sutkalik) ishlaydi.
Turistlar uchun turar joylar (mehmonxonalar, otellar, mehmonlar uchun uylar, sanatoriylar, ayrim turistik dam olish maskanlari) – check-in va check-out tartibida.
Chakana savdo tarmoqlari (savdo-ko‘ngilochar markazlari, gipermarketlar, do‘konlar) – soat 08:00 dan 23:00 gacha.
Ko‘ngilochar maskanlar (istirohat bog‘lari, kinoteatrlar, teatrlar, konsert zallari) - soat 10:00 dan 23:00 gacha.
Umumiy ovqatlanish joylari (restoranlar, qahvaxonalar, barlar, choyxonalar) soat 10:00 dan 23:00 gacha.
Tungi muassasalar (restoranlar, barlar, tungi klublar) soat 21:00 dan 05:00 gacha va, odatda, oxirgi mijozgacha.

Siz O'zbekistonga samolyotda, poyezdda, xalqaro avtobuslarda yetib borishingiz, ekstremal sayohatni yoqtiradiganlar esa avtomobil, mototsikl va hatto velosipedda borishi mumkin. Asosiysi, qay biri Siz uchun eng qulay bo‘lishi. O‘zbekistonda avtomobillar o‘ng tomondan harakatlanadi.

Samolyotlar:

Samolyotlar:

Bu O‘zbekistonga sayohat qilishning eng tezkor yo‘lidir. Mamlakatning asosiy aeroporti Toshkentda joylashgan. I.Karimov nomidagi Toshkent xalqaro aeroportida yo‘lovchilar floti zamonaviy Boeing-767-300,  Boeing -757-200, Airbus-320-200, Boeing 787-8 Dreamliner va British-Aerospace Avro RJ85 havo kemalariga ega. Ekonom va biznes-klasslarning zamonaviy va qulay salonlari, multimediya xizmatlari, mazali taomlar, samimiy styuardessalar – bunday qulayliklarning barchasiga O‘zbekiston aviakompaniyalari samolyotlarida parvoz qilganda ega bo‘lish mumkin.
O‘zbekistonning har bir mintaqasida xalqaro aeroportlarning zamonaviy terminallari Siz uchun ochiq.

Mamlakatning bosh aviatashuvchisi

"O‘zbekiston havo yo‘llari" AJ o‘z yo‘lovchilariga xavfsizlik, ishonchlilik va qulaylikni ta’minlagan holda dunyo bo‘ylab ko‘plab odamlarni tashiydi.
Kompaniya dunyoning 40dan ortiq shaharlaridan muntazam reyslarni amalga oshiradi. Bundan tashqari, kompaniya MDH davlatlariga va mamlakat ichkarisida muntazam reyslarni bajaradi.
Dunyoning 25 ta mamlakatida aviatashuvchining vakolatxonalari faoliyat ko‘rsatmoqda.

Chipta sotib olish

O‘zbekistondagi xorijiy aviakompaniyalar

Yaqinda mamlakatimiz dunyodagi eng yirik transport markaziga aylanadi, xorijiy aviakompaniyalar uchun osmon ochiladi va O‘zbekistonga yangi charter reyslari yo‘lga qo‘yiladi.
O‘zbekiston har kuni Turkish Airlines, "Aeroflot", UTair, Asiana Airlines, Korean Air, Fly Dubai, S7 singari xalqaro aviatashuvchilarning reyslarini qabul qilmoqda.. Shuningdek, “Atlas global” (Turkiya) , “Zhejang Loong Airlines” (XXR) xorijiy aviakompaniyalari mamlakatimizga yangi charter reyslarini joriy etishdi.

Poyezdlar
O‘zbekistonda jamoat transportining birinchi turlaridan biri bugungi kunda mashhurlikda aviaparvozlardan kam emas. Agar Siz O‘zbekiston shaharlarining go‘zallaridan zavqlanmoqchi yoki, aytaylik, Toshkentdan Samarqandga, u yerdan esa Buxoroga yoki, hatto, Xivaga yetib bormoqchi bo‘lsangiz, unda temir yo‘lda sayohat qilish qulayroq bo‘ladi. Eng mashhur va tezyurar poyezdlardan biri bu "Afrosiyob" tezyurar poyezdi bo‘lib, u bir kechayu kunduzda ikki marta qatnaydi.
Bu qulaylik, sifatli taomlar va birinchi darajali xizmat ko‘rsatishdir.
O‘zbekiston temir yo‘l bekatlari
Turistik poyezdlar
Chipta bron qilish yoki sotib olish

Toshkent metrosi

Agar siz O‘zbekiston poytaxtida bo‘lib qolsangiz, shaharning eng diqqatga sazovor joylaridan biri – katta bo‘lmagan tarmoqqa ega Toshkent metrosiga albatta tashrif buyuring. Bu yerda o‘z yo‘lingizni osongina topishingiz mumkin bo‘lib, shu bilan birga, har bir bekat aholi uchun poyezdlarni kutish joyi bo‘lsa, sayyohlar uchun noyob san’at galereyasidir.
Metro xizmatlaridan har kuni soat 06:00dan 00:00gacha foydalanish mumkin.

Boshqa transport:

Shaharlararo avtobuslar

Mamlakatimizda O‘zbekistonning barcha shaharlari va qo‘shni davlatlar bilan bog‘laydigan shaharlararo va xalqaro avtobuslar har kuni va har soatda qatnaydi.
Agar Siz, masalan, Toshkentdan Samarqandga yoki, aytaylik, Buxoroga, u yerdan to‘g‘ridan-to‘g'ri Xivaga borishni istasangiz, tezyurar poyezdda Buxoroga, keyin esa Xivaga shaharlararo avtobusda borgan ma’qul. Bu sayohatchi uchun oddiy sayohat yo‘nalishidir. Bu ham tejamkor, ham yangi bilimlarga boy bo‘ladi.
Shaharlararo avtobuslarga chipta sotib olish.

Shahar avtobuslari

Shahar bo‘ylab harakatlanishning eng qulay va tejamkor usullaridan biri – bu shahar transportidir.
Hozirgi kunda shahar avtobuslari zamonaviy media-texnologiyalar, konditsioner, Wi-Fi bilan jihozlangan, shuningdek, avtobus salonida nogironlar uchun qulayliklar mavjud. Bir martalik yo‘l haqi 1400 so‘'m. Chiptalarni  avtobusning o‘zida nazoratchilan sotib olish mumkin.

Yo‘nalishli taksilar

O‘zbekistonda yo‘nalishli taksilardan asosan shahar bo‘ylab uzoq masofalarga harakatlanish uchun, ko‘pincha shaharning bir chetidan ikkinchisiga yetib borish uchun foydalaniladi. Agar taksi qimmatlilik qilsa, odamlar tezkor, tejamkor va qulay bo‘lgan yo‘nalishli taksilarni tanlashadi.

Taksi

Siz taksi xizmatlaridan shahar bo‘ylab aeroportga va temir yo‘l bekatiga borish yoki, masalan, kun bo‘yi qiziqarli joylarga ekskursiya qilish, shahardan tashqariga chiqish yoki do‘stlaringiz bilan ulkan mamlakatimizning boshqa shaharlariga borish uchun foydalanishingiz mumkin.
Toshkent va Samarqandda Yandex.Taxi va My Taxi mobil ilovalari orqali taksiga buyurtma berish mumkin.
Avtomobil ijarasi
Agar siz shahar atrofida sayr qilishni afzal ko‘rsangiz, unda Siz uchun eng yaxshi yo‘l – bu mashina ijarasidir. Toshkentda tanlash uchun turli toifadagi avtomobillarni ijaraga beradigan ko‘plab kompaniyalar mavjud. Sizga faqat pasport va haydovchilik guvohnomasi kerak bo‘ladi xolos. Shuningdek, agar Siz O‘zbekistonga yaqinda kelgan bo‘lsangiz, qulaylik uchun shahar xaritasini oling, u shahardagi barcha kiosklarida sotiladi.

Shoshilinch xizmatlar:
Yong‘inga qarshi kurash xizmati (FVV) - 101;
Militsiya - 102;
Tez yordam - 103;
Avariyali gaz xizmati - 104;
Ma’lumotlar bo‘limi - 109.

Biror mamlakatning hozirgi maqomi va obro‘sini u bilan diplomatik munosabatlarni o‘rnatgan mamlakatlar soni bo‘yicha baholash mumkin.
Bugungi kunda O‘zbekistonning 50dan ortiq mamlakatlarda diplomatik vakolatxonalari bor, 60dan ortiq davlat mamlakatimizda vakolatxonalariga ega.

O‘zbek tilini o‘rganish juda qiyin, ammo agar siz ushbu quyoshli mamlakatda eng ko‘p ishlatiladigan bir nechta iboralarni bilsangiz, unda qiynalmaysiz. Shuning uchun qiynalmaysizki, o‘zbek mehmondo‘stligi azaldan butun dunyoga mashhur bo‘lib kelgan hamda bu yerda samimiy va e’tiborli insonlar yashaydi.
Eng mashhur iboralar
Salom! – Privet!
Yaxshimisiz? – Kak dela?
Xayr! – Do svidaniya!
Salomat bo‘ling! – Budte zdorovi!
Rahmat! – Spasibo!