ENG
RUS
JPN
ARA
FRA
CN
DE
POR
ESP
TUR
ITA
HIN
MALAvstriyaning “Kurier” gazetasi jurnalisti O‘zbekistonga tashrif buyurdi
O‘zbekiston Respublikasi Turizm va sport vazirligi tomonidan, G‘arbiy Evropada mamlakatimizning sayyohlik imidjini yaxshilash maqsadida, joriy yilning 17-19 may kunlari Avstriyaning “Kurier” nashri jurnalistlari uchun Samarqand, Buxoro, Xorazm, Toshkent viloyatlari va Qoraqalpog‘iston Respublikasiga sayohat uyushtirildi.
Safarning birinchi kunida Avstriyaning kundalik gazetasi jurnalisti A.Xalbxuber shaharning sayyohlik imkoniyatlarini o‘rganish uchun Samarqandga tashrif buyurdi.
Filmni suratga olish Konigil qishlog‘ida bo‘lib o‘tdi, u erda jurnalist qadimgi qog‘oz ishlab chiqarish uslubiga alohida qiziqish bildirdi. Shuningdek, mehmon Samarqand nonlarni tayyorlash jarayonini kameraga tushirdi.
Jurnalistga Samarqand me’moriy yodgorliklarining sharqona ko‘rinishi va o‘ziga xos uslubi hamda o‘zbek xalqining mehmondo‘stligi katta taassurot qoldirdi.
Buxoroda Avstriyalik jurnalist Ark maydonida an’anaviy "Ipak va ziravorlar" festivaliga guvoh bo’ldi. Shahar go’zalligidan va me’morchilik durdonalaridan xursand bo‘lib, ushbu qadimiy shaharga katta bob bag‘ishlashini aytdi.
Avstriyalik jurnalist 2019-yilda chop etilgan “Dunyo bo‘ylab: 365 kun” (nemis tilida nashr etilgan) kitobida mamlakatning sayyohlik shaharlari, odamlari va san’atiga alohida bob bag‘ishlagan.
Muallifning respublikaga bag‘ishlangan so‘nggi maqolasi, “Hech bir davlat o‘z san’at xazinalarini O‘zbekiston singari ochiqchasiga taqdim etmaydi:1001 kechadan iborat ajoyib ertaklar kitobi” deb nomlangan.
“Kurier” bosma va internet nashrlari - bosh ofisi Venada joylashgan Avstriyadagi eng yirik kundalik gazetalardan biridir. Gazeta 1945-yilda tashkil topgan va Avstriyadagi eng nufuzli nashrlardan biri hisoblanadi.
"Kurier" bosma nashrining haftalik tiraji- 915 ming nusxadan ortiq, o‘quvchilar soni 1,2 million kishini tashkil qiladi. Nashr har yakshanba kuni chop etilib, qo‘shimcha sayyohlik ilovasida, mashhur ammo taniqli bo‘lmagan sayyohlik yo‘nalishlari haqida ma’lumot beradi.
Izoh qoldirish
Tizimga kirish orqali siz qayta ishlashga rozilik bildirasiz Shaxsiy malumot
Shuningdek, oʻqing
Ish vaqti: 9:00-18:00, Du-Ju
Savollar uchun
O‘zbekiston
Izoh