Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Bugungi kunda mintaqaviy brendingni rivojlantirish bo‘yicha jahon tendensiyalariga muvofiq, O‘zbekiston Respublikasi Turizm qo‘mitasi mamlakatimiz hududlarining betakror sayyohlik salohiyatini targ‘ib qilishga qaratilgan "O‘zbekiston shaharlarida quyosh chiqishi" nomli yangi xalqaro loyihani amalga oshirmoqda.
Mazkur loyiha O‘zbekistonning alohida shaharlarining jozibadorligi va o‘ziga xosligini namoyish etib, ularning madaniy merosi hamda zamonaviy yutuqlarini yoritib beradi.
Loyiha O‘zbekistonning milliy sayyohlik brendini targ‘ib qilishga yo‘naltirilgan bo‘lib, mamlakatimizning jozibador qiyofasini shakllantirishga xizmat qiladi.
"O‘zbekiston shaharlarida quyosh chiqishi" loyihasining birinchi bosqichi doirasida BBC News xalqaro telekanali efirida yurtimizning uchta durdonasi - Samarqand, Buxoro va Xiva namoyish etildi.
Videoroliklar O‘zbekistonning go‘zalligi va muhitini dunyoga ochiq, tarixdan ilhom olgan hamda yangi kashfiyotlarga intilayotgan zamonaviy sayyoh nigohi orqali tasvirlaydi.
Loyiha O‘zbekiston viloyatlarining xalqaro nufuzini mustahkamlashda va mamlakatni Markaziy Osiyoning eng jozibador sayyohlik yo‘nalishlaridan biri sifatida barqaror qiziqish uyg‘otishda muhim qadam bo‘ldi.
Ma’lumot uchun:
"O‘zbekiston shaharlarida quyosh chiqishi" xalqaro reklama kampaniyasi milliy turizm brendini xalqaro miqyosda ilgari surish doirasida amalga oshirilmoqda. Uning asosini har bir hududning o‘ziga xos qiyofasini yaratish va uning investitsiyaviy hamda sayyohlik jozibadorligini oshirishga qaratilgan mintaqaviy brending strategiyasi tashkil etadi.
Ish vaqti: 9:00-18:00, Du-Sh
Har qanday savol uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
