Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Donolar shon-shuhratni ikkinchi hayot deyishadi
(Zahiriddin Muhammad Bobur, 1483-1530-yillar)
Tengi yo‘q Bobur bu so‘zlarni aytganida naqadar haq edi. U o‘z kelajagini oldindan ko‘rgandek, jasorat ko‘rsatib, o‘lmas asarlar meros qoldirdi.
Andijon mard yigitlar va afsonaviy Bobur – boburiylar sulolasining asoschisi, hukmdor, sarkarda va iste’dodli shoirning vatani hisoblanadi. Uning she’riyati inson qadr-qimmati, muhabbat va poklikni tarannum etuvchi Sharq lirikasining eng yorqin namunasidir.
Shu boisdan, Andijon shahrining markaziy maydonida Boburning viqor bilan otda o‘tirgan haykali o‘rnatildi. Andijondan yetti kilometr uzoqlikda, Bog‘ishamol tepaligida Bobur nomidagi yodgorlik xiyoboni ochilib, u yerga hukmdor vafot etgan Agradan va Kobuldagi qabridan tuproq olib kelingan.
Yodgorlik uchun Bog‘ishamol tepaligi bejiz tanlanmagan. Zahiriddin Bobur o‘zining “Bobur-noma” asarida bu tepalikda hujra va ayvonli go‘zal bog‘ – sayr qilish va yolg‘iz qolish uchun ajoyib joy borligini aytadi. Bobur vatanini mangu tark etishdan avval bu yerga xayrlashish uchun kelgan. Bir necha asrlar o'tib, 1993-yilda ushbu joyda, hukmdor dafn etilgan joydan olingan tuproq bilan to'ldirilgan marmar sag‘anaga ramziy qabr o'rnatildi.
Yodgorlik bog‘i hududida, shuningdek, Bobur hayoti va ijodiga oid buyumlar va nodir eksponatlar jamlangan muzey ham barpo etilgan. Muzeyda nafaqat Boburning, balki uning shoirlik iste’dodini meros qilib olgan avlodlarining ham betakror adabiy asarlarining katta to‘plami saqlanadi. Noyob namunalar orasida diplomatik hujjatlar, turli yodgorlik va sovg‘alarni ko‘rish mumkin – shu tariqa Bobur va Boburiylar O‘rta Osiyo xonlari bilan aloqada bo‘lishga harakat qilganlar. Maxsus interaktiv kiosklarda mashhur arbobning hayoti va faoliyati haqida ma’lumot beruvchi taqdimotlarni ko‘rishingiz mumkin.
Yodgorlik xiyoboni go‘zalligi bilan ko‘proq boqqa o‘xshaydi. Hududda ko'plab daraxtlar va gullar ekilgan. Ulardan ba'zilari juda noyob turlar bo'lib, dunyoning turli davlatlaridan bu yerga maxsus olib kelingan. Siz Bog'ishamol tepaligining cho'qqisiga osma yo‘l orqali chiqib, u yerdan shahar va butun bog'ning ajoyib manzarasidan bahramand bo'lishingiz mumkin.
Muhtasham bog‘ shaharning o‘ziga xos tashrif qog‘oziga aylandi. Bu yerga Zahiriddin Bobur ijodini qadrlovchilar ham, ziyoratchilar ham buyuk hukmdor xotirasini yod etish uchun tashrif buyuradilar.
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
