Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Joriy yilning 23-iyul kuni Buxoro viloyatining “Choloki” MFYda joylashgan Qasri Orifon qishlog‘iga rasman “Turizm qishlog‘i” maqomi berildi.
Mazkur qishloq qadimiy tarixiy obidalari, ziyoratgohlar va milliy an’analarni saqlab kelayotgan aholisi bilan alohida ajralib turadi. Ayniqsa, Qasri Orifon qishlog‘i mashhur avliyo Bahouddin Naqshband maqbarasiga yaqin joylashgani bilan ham ko‘plab sayyohlar e’tiborini tortmoqda. Yil davomida bu yerga minglab mahalliy va xorijiy mehmonlar tashrif buyuradi.
Ochilish marosimida Turizm qo‘mitasi, mahalliy hokimiyat vakillari, mahalla faollari hamda turizm sohasi mutaxassislari ishtirok etdi. Tadbir doirasida mehmonlar uchun milliy taomlar ko‘rgazmasi, hunarmandchilik mahsulotlari yarmarkasi va folklor jamoalari chiqishlari tashkil etildi. Shu bilan birga, turizm infratuzilmasini rivojlantirish borasidagi kelgusi rejalar ham taqdim etildi.
Tadbir doirasida mehmonlar “Turizm qishlog‘i”da mahalliy va xorijiy sayyohlar uchun yaratilgan qulay imkoniyatlar, jumladan, mehmonxona, ovqatlantirish shoxobchalari, 20 ta oilaviy mehmon uylari, ziyoratgohlar va ekoturizm obyektlari bilan tanishdilar.
Ta’kidlash joizki, bugungi kunda hududda xizmatlar sifatini diversifikatsiya qilish va sayyohlarni qolish muddatini uzaytirish maqsadida “Qasri Orifonga bir kun” nomli sayohat dasturi ishlab chiqildi hamda xorijiy davlatlardan kelgan ziyoratchilar uchun “Naqshband kunlari” tadbiri o‘tkazilmoqda.
“Turizm qishlog‘i” maqomining berilishi Qasri Orifonning iqtisodiy va ijtimoiy rivojlanishiga yangi turtki beradi. Bu tashabbus nafaqat mahalliy aholi bandligini oshirish, balki milliy madaniyatimizni keng targ‘ib qilishga ham xizmat qiladi.
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
