ENG
RUSBuxoroda Xalqaro ziyorat turizm haftaligi o‘tkazildi
Joriy yilning 27-29-noyabr kunlari Buxoro shahrida Turizm qo‘mitasi, O‘zbekiston Respublikasi Din ishlari bo‘yicha qo‘mitasi hamda Buxoro viloyati hokimligi tomonidan “Tabarruk ziyorat” xalqaro ziyorat turizmi haftaligi tadbirlari tashkil etildi.
Xalqaro ziyorat turizmi haftaligida 100 dan ziyod ishtirokchilar, жумладан Turkiy davlatlar tashkilotiga a’zo davlatlardan kelgan xorijlik mehmonlar, olim va professorlari hamda o‘qituvchilari, din sohasi ulamolari, talabalar, shu bilan birga, ziyorat turizm yo‘nalishidagi gid-tarjimonlar, turoperatorlar hamda mehmonxona xo‘jaliklari rahbarlari va mahalliy va xorijiy OAV vakillari qatnashdilar.
Haftalik doirasida “Tabarruk ziyoratning mohiyati”, “O‘zbekistonda ziyorat turizmining salohiyati”, “Turk dunyosi va Tabarruk ziyorat”, “Turizm sohasidagi Turkiy davlatlar tashkiloti faoliyati”, “Barqaror turizm va ajdodlar merosiga hurmat”, Tabarruk ziyorat yo‘nalishini marketing qilish”, “Alp Er To‘nga” mavzularida seminarlar, shuningdek, tabarrukziyorat.uz vebsayti taqdimoti, “mavzusida, shu bilan birga, mintaqadagi faoliyat yuritayotgan kompaniyalar bilan tanishish va sohadagi muammolari haqida davra suhbatlar, “Ichki turizm yarmarkasi”, “Buxoro hunarmandlari kuni” festivali hamda Buxoro viloyatining G‘ijduvon tumani “Qo‘rg‘on” turizm mahallasi va Vobkent tumani “Shirin” turizm qishlog‘i va Jondor tumanidagi Ushot qishlog‘i Tandirsozlar ko‘chasida “Turizm ko‘chasi”ning rasmiy ochilish marosimlari o‘tkazildi.
Xalqaro ziyorat turizmi haftaligining yopilish marosimida Turizm qo‘mitasi raisi Umid Shadiyev ziyorat turizmini xalqaro aloqalar va ma’naviy almashinuvni mustahkamlashning asosiy yo‘nalishi sifatida rivojlantirish muhimligini ta’kidladi. “Forum O‘zbekistonning madaniy va diniy merosini asrab-avaylash va ko‘paytirish orqali jahon ziyorat markaziga aylanishga intilishini namoyish etdi”, - dedi Qo‘mita raisi.
Izoh qoldirish
Tizimga kirish orqali siz qayta ishlashga rozilik bildirasiz Shaxsiy malumot
Shuningdek, oʻqing
Ish vaqti: 9:00-18:00, Du-Ju
Savollar uchun
O‘zbekiston
Izoh