CNN “Samarqand ruhi” filmining premyerasi vaqtini e'lon qildi

Jahonning yetakchi mediatarmog‘idan biri hisoblangan CNN telekanali tomonidan noyabr oyida O‘zbekistonning turizm imkoniyatlari va qadimiy shaharning boy madaniy merosi haqida “Samarqand ruhi” nomli hujjatli filmi tasvirga olingani haqida xabar bergan edik.

Telekanalning butun tomoshabinlar auditoriyasiga Samarqandning betakror go‘zalligi, tarixan boy turizm imkoniyatlari, zamonaviy hayoti va qadimiy an’analari haqida hikoya qiluvchi 30 daqiqalik ko‘rsatuvning premyerasi 23-dekabr, shanba kuni Toshkent vaqti bilan soat 22:30 da (Parij vaqti bilan soat 18:30 da) namoyish etiladi.