Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Ispaniyada “Real Liga Naval Espanola” assotsiatsiyasi buyuk o‘zbek mutafakkiri, algebra asoschisi Muhammad Аl-Xorazmiyning hayoti va ijodiga bag‘ishlangan “Al Juarismi - Entre España y Uzbekistán” (“Al Xorazmiy - Ispaniya va O‘zbekiston o‘rtasida”) kitobi nashr etildi deya xabar bermoqda “Dunyo” axborot agentligi.
Noyob nashr muallifi-mashhur olim, matematik, Madridning Complutense universiteti professori, Ispaniya dengiz floti qirollik jamiyati a'zosi Alfredo Surroka.
Kitob Al-Xorazmiy fanning turli sohalaridagi ilmiy kashfiyotlari: nazariy va amaliy astronomiya, matematika, tarix va geografiya haqida hikoya qiladi.
Muallif Al-Xorazmiy butun dunyoni birinchi bo‘lib arab raqamlari bilan tanishtirganini, algebraning asoschisi va birinchi arab astronomik, geografik va tarixiy risolalarining muallifi ekanligini qayd etgan.
Al-Xorazmiy tufayli Yevropa o‘nlik sanash tizimi va sonlar nima ekanligini bilib oldi, algebra va algoritm atamalari uning nomi va ilmiy kitob nomidan kelib chiqqan.
Xususan, Al-Xorazmiyning “Kitob Muqtasab Al-jabr val-muqobala”-“Tiklash va qarama qarshi qo‘yish haqida muxtasar kitob” algebraga oid asari o‘rta asrlarda g‘arbning yevropa universitetlari talabalari uchun shunday mashhurlikka ega bo‘ldiki, u bir necha asrlar davomida klassik matematik qo‘llanma bo‘lib xizmat qildi.
Matematika faniga va uni ommalashtirishga qo‘shgan ulkan hissasi uchun jahon ilmiy jamoatchiligi al-Xorazmiyni haqli ravishda “Algebraning otasi” deb atadi.
Ispaniyaning “Al Xorazmiy - Ispaniya va O‘zbekiston o‘rtasida” nashri al -Xorazmiy tomonidan olti turdagi kvadratik va chiziqli tenglamalarning hisob -kitobi hamda ularni hal qilish usullari haqida bizning davrimizda haligacha amalda qo‘llanib kelinmoqda.
Nashr O‘zbekistonning Ispaniyadagi elchixonasi ko‘magida nashr etilgan bo‘lib, u talabalar, aspirantlar, ilmiy va akademik doiralar uchun hamda ispan tilidagi kitobxonlarning keng qatlami uchun mo‘ljallangan.
Ish vaqti: 9:00-18:00, Du-Sh
Har qanday savol uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
