Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
O‘zbekiston Yevropa sayyohlarining e’tiborini tobora ko‘proq jalb etayotgan eng istiqbolli turistik yo‘nalishlardan biri sifatidagi mavqeini mustahkamlab bormoqda.
Ispaniyaning sohaga ixtisoslashgan “Agenttravel” nashri ta’kidlashicha, O‘zbekiston Albaniya va Gruziya qatori an’anaviy marshrutlardan tashqarida yangi taassurotlar izlayotgan sayyohlar orasida tobora talabgir bo‘lib borayotgan yo‘nalishlar safidan joy olgan.
Qiziqishning ortishi boy madaniy meros, Markaziy Osiyoga xos ekzotika va transport imkoniyatlarining yaxshilanishi bilan izohlanadi. O‘zbekistonning jozibadorligini oshirayotgan asosiy omillardan biri — Yevropa bilan aviaqatnovlarning kengayishi, jumladan Ispaniyadan to‘g‘ridan-to‘g‘ri reyslarning yo‘lga qo‘yilishi bo‘lib, bu yevropalik sayyohlar uchun safarlarni sezilarli darajada osonlashtirdi.
Shu tariqa mamlakatga kirib kelayotgan sayyohlar oqimining barqaror o‘sishi kuzatilmoqda: O‘zbekiston Buyuk Ipak yo‘li bo‘ylab madaniy-ma’rifiy sayohatlar dasturlariga tobora ko‘proq kiritilmoqda. Samarqand, Buxoro va Xiva shunchaki tarixiy maskanlar emas, balki o‘ziga xoslik va yuksak mehmondo‘stlik bilan bog‘liq to‘laqonli turistik brendlarga aylanmoqda.
Sohadagi ekspertlar bahosiga ko‘ra, O‘zbekiston xalqaro turizm bozorida yanada o‘sish uchun barcha zarur salohiyatga ega. Infratuzilmani rivojlantirish sur’atlarini saqlab qolish, xorijda faol targ‘ibot olib borish va aviaqatnovlarni qo‘llab-quvvatlash sharoitida mamlakat yevropalik sayyohlar uchun eng muhim yangi turistik kashfiyotlardan biri maqomini mustahkamlashi mumkin.
Ish vaqti: 9:00-18:00, Du-Sh
Har qanday savol uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
Izoh