Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
O‘zbekiston Respublikasining turizm salohiyatini Yevropa mamlakatlari, jumladan Italiyada keng targ‘ib qilish maqsadida joriy yilning 13-26-noyabr kunlari O‘zbekistonning Rimdagi Elchixonasi tomonidan “Alpitour World” turistik kompaniyasi bilan hamkorlikda Italiyaning katta shaharlaridagi “Coin” savdo markaziga tegishli odamlar gavjum bo‘ladigan tijorat markazlaridagi 22 ta katta led ekranlarda va reklama stendlarida videoroliklarning namoyishi taqdim etilmoqda.
Mazkur promo-aksiya doirasida Italiyaning Milan, Breshiya, Bergamo, Kalyari, Kataniya, Komo, Djeno, Lechche, Livorno, Mestre, Milan, Neapol, Padova, Pyachense, Rim, Treviza, Triest, Vareze, Verona va Vichensa shaharlarida videorolik namoyish etish ko‘zda tutilgan.
Bundan tashqari, mamlakatning mashhur radiostansiyalarida “Radio Montecarlo” (eshituvchilar soni - kuniga 1,5 mln) va “Radio Voyage Voyage” (onlayn tarzda, eshituvchilar soni - kuniga 135 mingdan ziyod) O‘zbekiston turistik salohiyati to‘g‘risida 2 hafta davomida kuniga o‘nlab eshittiruvlar uzatilishi boshlab yuborildi.
Aytib o‘tish joizki, joriy yilning yanvar-oktyabr oylarida Italiyadan O‘zbekistonga kelgan sayyohlarning soni o‘tgan yilning shu davriga nisbatan 3 barobarga o‘sgan. Bu aksiyaning maqsadi ham O‘zbekiston turizm salohiyatini Italiyaga yetkazish va bu orqali italiyalik turistlarini O‘zbekistonga yanada jalb qilish hisoblanadi.
Eslatib o‘tamiz, “Alpitour World” (www.alpitour.it) Italiyaning mahalliy kompaniyasi bo‘lib, turoperatorlar, aviakompaniyalar, ichki xizmatlar, mehmonxonalar va turagentliklardan tashkil topgan Italiyaning yetakchi turistik kompaniyasi hisoblanadi. Ushbu kompaniya har bir mijozi uchun uning barcha talablarini qondirish maqsadida yuqori darajadagi sifatli va keng spektrdagi xizmatlarni ko‘rsatish imkoniyatiga ega.
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
