“Jayron” ekomarkazi

10946

Bu noyob qo‘riqxona, 1977 – yilda barpo etilgan bo‘lib muhofaza qilinadigan hudud maqomiga ega. Bugungi kunda, qo‘riqxonaning maydoni 16,5 ming gektarni tashkil qiladi va undagi hayvonlar yarim vol’yer sharoitda parvarish qilinadi.

Ekologik markazni yaratish jarayonida, noyob hayvonlar yashashi uchun yaroqli ulkan hudud simto‘r bilan o‘raldi va hayvonlar, shu jumladan, jayronlarni, qishloqlaridagi mahalliy aholi va Qizilqum cho‘li kengliklaridan yig‘b kelindi. O‘sha paytlarda, ko‘plab oilalar jayronlarni tovuslar kabi uylarida bezak sifatida saqlashar edi. Hudud, noqonuniy ovchilar va bosqinchilardan himoya qilina boshladi.

Bugungi kunda, ekomarkazda hayvonlarni parvarishlash uchun barcha sharoitlar yaratilgan. Markazning yaratilishi, nafaqat jayronlar, balki boshqa ko‘plab noyob sutemizuvchilar, qushlar, baliqlar, hasharotlar va sudralib yuruvchilar sonining ko‘paytirilishiga imkon berdi. Qo‘riqxonada, uzun tikonli tipratikonlar va qulonlar, Prjevalskiy otlari va Buxoro tog‘ qo‘ylari, aylanma shoxli echkilar va pushti saqoqushlar, turnalar va oqqushlar, burgutlar va lochinlar, kulrang echkemarlar va O‘zbekistondagi cho‘l gududlarida yashovchi boshqa ko‘plab hayvonlarini ko‘rish mumkin.
Qo‘riqxonada, Amu-Buxoro kanali kelib quyiladigan ko‘llar mavjud bo‘lganligi uchun hayvonlar doimo ichimlik suvi bilan ta’minlangan. Bugungi kunda, ekomarkaz hududi katta sur’atlar bilan obodonlashtirilmoqda. Tez kunlarda, noyob hayvonlarni tomosha qilish imkonini beruvchi qo‘shimcha sayyohlik yo‘nalishlari ochiladi. O‘rta Osiyoda yashovchi yovvoyi otlarning kenja turi - Prjevalskiy otlarini tomosha qilish – kishiga katta zavq bag‘ishlaydi. Bunday otlar juda noyob bo‘lib hozirgi kunda dunyoda ularning taxminan ikki ming donasi saqlanib qolgan.
Kelgusida Ekomarkazda hayvonlar sonini ko‘paytirish, ilmiy tadqiqotlarni kengaytirish, maxsus saytda 3D-sayohatlar yaratish ishlari rejalashtirilmoqda, qo‘riqxonaga tutash hududlarda esa qo‘shimcha sayyohlik ob’ektlari tashkil etish va boshqa yana ko‘plab ishlar rejalashtirmoqda.