20-24-mart kunlari poytaxtimizdagi “Milliy bog‘” O‘zbekiston Milliy bog‘ida – “MAKON FEST – 2024” III milliy san’at va an’analar festivali bo‘lib o‘tadi.
Tadbir milliy meros va vatanparvarlik atrofida birlashish g‘oyasini aks ettiruvchi “Biz bir Makon – biz O‘zbekiston” shiori ostida o‘tkaziladi.
Festivalda Toshkent shahri aholisi, shuningdek, Italiya, AQSh, Xitoy, Rossiya, Fransiya, Shveytsariya, Yaponiya, Buyuk Britaniya, Isroil, Ispaniya, Gretsiya, Qozog'iston, Ozarbayjon va boshqa mamlakatlardan kelgan mehmonlar va sayyohlarni o'ziga jalb qiladi.
Tadbir dasturidan musiqiy va raqs guruhlari chiqishlari, an’anaviy xalq bayramlari va o‘yinlari, sharq yarmarkasi, o‘zbek hunarmandlarining mahorat darslari, modalar namoyishi, ko‘rgazmalar o‘rin olgan bo‘lib, hamda 10 tonnalik sumalak tayyorlash rejalashtirilgan.
“MAKON FEST – 2024”ning yakuniy kunida taniqli estrada san’atkorlari, folklor jamoalari gala-konserti hamda iste’dodli san’at va hunarmandchilik ustalari, oshpazlar, dizaynerlar va folklor jamoalarini taqdirlash marosimi bo‘lib o‘tadi.
Ish vaqti: 9:00-18:00, Du-Ju
Savollar uchun
Izoh