Markaziy Osiyo davlatlaridan kelgan sayohatchilar uchun turistik koridor ishlab chiqildi

10-fevral kuni Qozog‘istonning “Xabar-24” telekanalida Markaziy Osiyo davlatlari o‘rtasida sayyohlik yo‘lagi ochilishi haqida “Turk dunyosi sayyohlar uchun qulayroq bo‘ladi” nomli ko‘rsatuv namoyish etildi. Qirg‘izistondan boshlanib Qozogʻiston, Oʻzbekiston, Turkmaniston va Ozarbayjonni qamrab oluvchi hamda Turkiyada tugaydigan maxsus sayyohlik yo'lagini ishlab chiqdilar.

Sayohatchilar uchun bonus sifatida bu yo‘nalishda vizasiz tartib yo‘lga qo‘yiladi. Ushbu marshrut loyihasi xozirda muvofiqlashtirilmoqda va bir necha yildan so‘ng ishga tushiriladi.

Sayyohlar ushbu marshrutga kiritilgan eng mashhur diqqatga sazovor joylari bilan tanishishlari mumkin.

Masalan, Registon O‘zbekistonning o‘ziga xos belgisi va sayyohlar uchun asosiy yo‘nalishlardan biri hisoblanadi. Samarqandning qadimiy maydoni turkiy tarixga oid boshqa obyektlar singari sayyohlik yo‘lagi hisoblanadi.

O‘tgan bahorda Qozog‘iston janubidagi Turkiston shahri turkiy dunyoning ma’naviy poytaxti sifatida e’tirof etildi. Qadimiy shaharda ziyorat qilishga arziydigan 50 dan ortiq muqaddas joylar mavjud bo‘lib – XII asrning buyuk turkiy so‘fiy shoiri va mutafakkiri Ahmad Yassaviy maqbarasi shular jumlasidandir.

Eslatib oʻtamiz, 2700 yillik tarixga ega shahar – Xiva 2020-yilda turkiy dunyoning madaniy poytaxti deb eʼlon qilingan edi.

Turistik yo‘lak Buyuk ipak yo‘lining asosiy yo‘nalishlari bo‘ylab joylashgan obyektlar bilan bog‘lanadi. Yoʻnalish Qirgʻizistondan boshlanib, soʻngra Qozogʻiston orqali Turkistonga yetib boradi, u yerdan Samarqand va Buxoro orqali Turkmaniston, Ozarbayjon va Turkiyaga boradi. Yo‘lakning yaratilishi chegaralarni kesib o‘tishni osonlashtiradi, chunki bu yerda sayyohlar uchun vizasiz tartib joriy etiladi.

“O‘zbekiston turkiy davlatlarning diqqatga sazovor joylari jamlanadigan loyihani amalga oshirishni taklif qilmoqda. Mamlakatlarimiz bu borada katta imkoniyatlarga ega. Bu yerda islom dini tarqalgan. Bu turizmning yangi turi bo‘ladi”. – deydi Turkiy davlatlar tashkiloti matbuot kotibi oʻrinbosari Mirzohid Azimov.

Turkiy tilli davlatlar kengashiga aʼzo davlatlarning tegishli idoralari turistik yoʻlak loyihasi ustida ish olib boradi.

Eslatib o‘tamiz, so‘nggi yig‘ilish 2021-yil noyabr oyida Samarqandda bo‘lib o‘tgan, keyingi yig‘ilish esa 2022-yilda Bokuda bo‘lib o‘tadi.

Shuningdek ko‘ring

1. CNN tomoshabinlari Oʻzbekistonning tarixi va bugungi kuniga sayohat qiladi

2. O‘zbekiston dunyoda sayyohlar oqimi eng tez o‘sayotgan TOP-7 mamlakatlar qatoriga kirdi

3. Euronews O‘zbekistonning sayyohlik durdonalarini namoyish etdi - Samarqanddan tortib Navoiygacha

4. Mo‘g‘uliston Turizm sohasi vakillari O‘zbekiston sayyohlik salohiyati bilan tanishdilar

5. O‘zbekiston delegatsiyasi “Qatar Travel Mart 2025” ko‘rgazmasida ishtirok etmoqda

6. Euronews, BBC va CNN Sharqning buyuk mutafakkirlari va olimlari haqida roliklar namoyishini boshladi

7. O‘zbekistonning turizm sohasi jadal sur’atlarda o‘sishda davom etmoqda

8. Euronews: An’analar va ijod O‘zbekistonni turizm markaziga aylantirmoqda

9. “Anklavlarga sayohat” dasturi doirasida “Farg‘ona – Batken turistik halqasi” ishlab chiqildi

10. Toshkent 2026-yilda Osiyoning sayohat qilish uchun eng yaxshi manzillari ro‘yxatiga kiritildi

Barchasini ko'rish