May oyi oxirida Namanganda an’anaviy gular festivali bo‘lib o‘tadi

2022-yil 23-maydan 31-mayga qadar Namangan shahrida ramziy gullar festivali bo‘lib o‘tadi. Hozirda Namangan viloyatida ham bo‘lajak festivalga qizg‘in tayyorgarlik ko‘rilmoqda.

An’anaga ko‘ra, festival mahalliy gelchilar tomonidan turli xil gullar bilan bezatilgan avtomobillarning keng ko‘lamli paradi bilan ochiladi.

Festival davomida viloyatda o‘tkazilayotgan moda haftaligi doirasida Farg‘ona vodiysi modelyerlarining ko‘rgazmalari, viloyat yosh ijrochilari va yurtimiz estradasi yulduzlarining shou va konsert dasturlari, shuningdek, milliy maqomchilar ansambllarining va raqs ansambllari chiqishlari, viloyat musiqali drama teatrining konsert dasturlari, yosh sportchilarning ko‘rgazmali chiqishlari, dorbozlar shousi, taniqli parasport ustalarining mahorat saboqlari namoyish etiladi.

Namangan gullari shahridagi “Afsonalar vodiysi” istirohat bog‘ida viloyatdagi ixtisoslashtirilgan san’at maktablari o‘quvchilari, tuman san’at “Maqom” ansambli tomonidan tayyorlangan ochiq osmon ostidagi muhtasham konsert dasturlari festival mehmonlarini xush keladi.

Festival yakunida esa, “Afsonalar vodiysi” bog‘ida “Gul bayrami” g‘oliblarini tantanali taqdirlash marosimi hamda mamlakatimiz estradasi yulduzlari hamda Farg‘ona vodiysining taniqli san’at ustalari ishtirokida katta gala-konsert bo‘lib o‘tadi.

Eslatib o‘tamiz, 2021-yil 4-avgustda Prezidentning “Respublika hududlarida gulchilik va ko‘chatchilikni yanada rivojlantirish to‘g‘risida”gi farmoni e’lon qilingan edi. Farmon doirasida O‘zbekiston Respublikasi Turizm va madaniy meros vazirligi Ekologiya va atrof-muhitni muhofaza qilish davlat qo‘mitasi va Namangan viloyati hokimligi bilan birgalikda har yili aprel-may oylarida Xalqaro gul bayramini o‘tkazish chora-tadbirlari dasturini tasdiqladi.

Namangandagi gullar bayrami 1961-yildan buyon o‘tkazib kelinmoqda va har bir o‘zbekistonlik uchun ulug‘vor tadbir bo‘lib, mavjud o‘simliklar va gul madaniyatining barcha turlarini aks ettiradi.

O‘tgan yili 60 yillik gul bayramiga Janubiy Koreya, Rossiya, Turkiya, Niderlandiya va qo‘shni davlatlar, Qirg‘iziston, Tojikiston, Qozog‘iston, Turkmanistondan xorijiy mehmonlar taklif etilgan edi.

Tadbirda 150 nafar gulchilik bilan shug‘ullanuvchi tadbirkorlar, shuningdek, 300 dan ortiq havaskor gulchilar ishtirok etib, festival tarixida ilk bor 10 million tup gul ko‘chatlari ekildi.

Shuningdek ko‘ring

1. Mo‘g‘uliston Turizm sohasi vakillari O‘zbekiston sayyohlik salohiyati bilan tanishdilar

2. O‘zbekiston delegatsiyasi “Qatar Travel Mart 2025” ko‘rgazmasida ishtirok etmoqda

3. Euronews, BBC va CNN Sharqning buyuk mutafakkirlari va olimlari haqida roliklar namoyishini boshladi

4. O‘zbekistonning turizm sohasi jadal sur’atlarda o‘sishda davom etmoqda

5. Euronews: An’analar va ijod O‘zbekistonni turizm markaziga aylantirmoqda

6. “Anklavlarga sayohat” dasturi doirasida “Farg‘ona – Batken turistik halqasi” ishlab chiqildi

7. Toshkent 2026-yilda Osiyoning sayohat qilish uchun eng yaxshi manzillari ro‘yxatiga kiritildi

8. “World Travel Market London – 2025” ko‘rgazmasida O‘zbekiston milliy stendi tashkil etildi

9. “Oila kuni”: haftaning har yakshanba kuni oilangiz bilan sayohat qiling

10. O‘zbekiston va Ozarbayjonning Yevropadagi “Highlights of the Silk Road” qo‘shma roud-shousi yakunlandi

Barchasini ko'rish