Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
29-31-may kunlari Mo‘ynoqning afsonaviy kemalar “qabristoni”da Turizm qo‘mitasi homiyligida 5 mingdan ziyod mehmonni o‘ziga jalb etgan “Stixiya” elektron musiqa, san’at va fan festivali o‘tkazilmoqda. Festivalning asosiy maqsadi xorijiy va mahalliy sayyohlarni jalb qilish hamda hududning madaniy hayotini rivojlantirishdan iborat.
Bu yil “Stixiya” festivali Markaziy Osiyo DJ va musiqachilariga alohida e’tibor qaratib, mintaqaning klub madaniyatini targ‘ib qilish uchun noyob maydon vazifasini o‘tamoqda. Festival doirasida turli musiqiy yo‘nalishlarni namoyish etuvchi bir nechta sahna faoliyat ko‘rsatmoqda.
Musiqadan tashqari, mehmonlar Yoshlar saroyida o‘tkaziladigan va IT-mutaxassislar, startaperlar, sarmoyadorlar hamda sanoat vakillarini bir joyga to‘playdigan “Stihia x Qoraqalpog‘iston Raqamli Forumi 2025” mahorat darslarida qatnashishlari mumkin. Forum texnologiyalar istiqboli, mintaqa rivojlanishi va yoshlar uchun yangi imkoniyatlarga bag‘ishlanadi.
Shunday keng qamrovli va serqirra tadbir nafaqat elektron musiqa muxlislarini, balki zamonaviy san’at, fan va ekologiyaga qiziquvchilarni ham jalb etib, Mo‘ynoqda sayyohlikni jadal rivojlantirishga ko‘maklashadi. Festival tufayli Mo‘ynoqning madaniy va sayyohlik maskani sifatidagi nufuzi oshib bormoqda, bu esa mahalliy infratuzilma va xizmat ko‘rsatish sohasining taraqqiyotiga turtki berib, tadbirkorlar va hudud aholisi uchun yangi imkoniyatlar yaratmoqda.
Festivalning kemalar “qabristoni” fonidagi o‘ziga xos joylashuvi maskanning tarixiy va tabiiy qimmatini ta’kidlab, mehmanlarda yorqin va unutilmas taassurotlar uyg‘otadi, bu esa qayta tashrif buyurishlar va ijobiy fikr-mulohazalarga sabab bo‘ladi.
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
