O‘zbekiston bo‘ylab avtomobil-treylerda sayohat qiling

Yevropa va Amerika mamlakatlarida treylerda sayohat qilish allaqachon odatiy holga aylangan. Bu, ayniqsa, yangi hududlarni o‘rganish maqsadida katta oila bilan sayohat qilish uchun juda qulay. Uyingiz va zarur narsalaringiz o‘zingiz bilan bo‘lgani uchun shilliqqurtdek sayohat qilasiz. Eng go‘zal manzarali joylarda, ko‘pincha maxsus ajratilgan to‘xtash joylari - kempinglarda to‘xtash mumkin.

Tasavvur qiling-a, o‘zingizning g‘ildirakli uyingizda butun oilangiz bilan O‘zbekistonning eng chekka joylariga sayohat qilasiz va sayohatingiz “Har tong deraza ortida - yangi manzara” shiori ostida o‘tadi!

Odatda, g‘ildirakli treylerlar bir necha turda bo‘ladi. Ularni avtouy, kemper, avtodacha, karavan, tirkama-dam olish uyi, g‘ildirakli uy va hokazo deb ham atashadi. Treylerlaer o‘ziyurar va tirkama uylar ko‘rinishida bo‘ladi. O‘ziyurar uylar yashash sharoitiga qarab sinflarga bo‘linadi. Tirkama treylerlar ham sayohatchilar uchun zarur bo‘lgan barcha maishiy jihozlarga ko‘ra bir necha turga bo‘linadi. Ba’zi treylerlarda oshxona, ixcham yemakxona, bir yoki bir nechta yotoqxona, hojatxona va dush ham bo‘lishi mumkin.

Sayohatning bu turi mamlakatni butun jozibasi bilan ko‘rish, urf-odatlar bilan yaqindan tanishish, turli odamlar bilan uchrashish, yovvoyi tabiatdan zavqlanish uchun ajoyib imkoniyatdir.

Bunday sayohat turi, ayniqsa, ijtimoiy masofani saqlash va qat’iy sanitariya-epidemiologiya choralariga rioya qilish zarur bo‘lgan pandemiya sharoitida dolzarb bo‘ladi. Hozirda O‘zbekistonda ekoturizm sohasida yangi sayyohlik yo‘nalishlari faol ishlab chiqilmoqda, hududlar bo‘ylab erkin sayohat qilish imkonini beruvchi kemping-to‘xtash joylari tayyorlanmoqda. Mehmonxonalarda xonalarni band qilish yoki ma’lum bir kun tartibiga bog‘lanib qolish shart emas. Siz faqat treyler sotib olishingiz yoki ijaraga olishingiz kerak, shunda mamlakatimizning eng go‘zal joylarida to‘xtab, mustaqil sayohatdan zavq olishingiz mumkin bo‘ladi.

Arashan ko‘llaridagi o‘tov lageri uzra tun, Namangan viloyati, Roman Valiyev surati

Xulosa qilib aytganda, quyidagi fikrlarga kelish mumkin:

1. Tirkamali avtomobilda sayohat qilish - xavfsiz va qulay sayohat usuli, ayniqsa pandemiya davrida.

2. O‘zbekistonning eng sharqiy nuqtasi - Andijon viloyatidagi Xonobod shahridan boshlab, eng g‘arbiy nuqtasi - Qoraqalpog‘istondagi Ustyurt platosigacha butun mamlakat bo‘ylab sayohat qilish mumkin. Shu tariqa yurtimizning eng go‘zal va betakror joylarini ko‘rish imkoni tug‘iladi.

3. Butun oila bilan birgalikda sayohatga chiqish mumkin.

4. O‘zbekiston hududini mustaqil o‘rganish, har bir hududning o‘ziga xos xususiyatlari bilan tanishish imkoniyati paydo bo‘ladi.

5. Boy tajriba va qimmatli xotiralar bir umrga esda qoladi.

Yana ko'ring

1. Xorazm mintaqasidagi ekologik yo‘nalishlari va Xorazm milliy tabiiy bog‘i

2. O‘zbekistonning o‘tov lagerlarida kashf etiluvchi ufqlar

3. Mo‘ynoq o‘tovlar lageri

4. "Qizilqum safarisi" o‘tov lageri

Hammasini ko'rish

Fotogalereya

Hammasini ko'rish