O‘zbekiston Halal in Travel Global Summit 2021 xalqaro halol turizm sammitida ishtirok etmoqda

13.07.2021 639

Bugun, 13-iyul kuni Singapurning “CrescentRating” kompaniyasi tomonidan tashkil etilgan “Halal in Travel Global Summit 2021” onlayn-sammiti o‘z ishini boshladi. Tadbirning rasmiy ochilishida oliy martabali mehmon sifatida O‘zbekiston Respublikasi Bosh vazirining o‘rinbosari-turizm va sport vaziri Aziz Abduhakimov so‘zga chiqdi.

“Halal in Travel Global Summit 2021” halol turizm sohasida ekspertlar, milliy sayyohlik tashkilotlari vakillari va halol turizm sohasiga qiziqish bildirgan shaxslarni birlashtiradigan global onlayn tadbirlardandir. “Halal in Travel” loyihasi birinchi marotaba 2016-yilda Singapurdagi ITB Asia xalqaro ko‘rgazmasida o‘z faoliyatini yo‘lga qo‘ydi.

Turistik biznes mutaxassislari, eng yirik Restoran va Mehmonxona egalari birinchi marta milliardlab dollar qiymatida baholanadigan sektorda o‘z pozitsiyalarini qanday mustahkamlashlari haqida qimmatli tasavvurga ega bo‘ldilar.

Mastercard-Crescent Rating Global Muslim Travel Index 2018-yil reytingiga ko‘ra, 2017-yilda global musulmon sayohat bozori 167 milliard AQSh dollari, 2020-yilga qadar esa 220 milliard AQSh dollarini tashkil etadi.

“Halol in Travel Global Summit” delegatlarga turli sohalardagi mutaxassislar bilan munozaralar orqali ushbu tez rivojlanayotgan halol sayohat bozoridan foydalanishga imkon beradi.

Bu yilgi onlayn sammit mavzusi COVID-19 pandemiyasidan keyin musulmon turizm bozoriga tayyorgarlik masalalari va loyihalariga bag‘ishlanadi.

“Halal in Travel Global Summit 2021” global sammiti 2021-yil 13-15-iyul kunlari bo‘lib o‘tadi.

Uch kunlik tadbirda Mastercard Crescentrating Global Muslim Travel Index 2021 (musulmon sayohatlarining xalqaro reytingi) reytingining bu yilgi mamlakatlar pozitsiyalari bilan nashr etilishi kutilmoqda.

Insider ma’lumotlariga ko‘ra, joriy yilda O‘zbekiston nufuzli reytingda 16-o‘rinni egallab, 2019-yilga nisbatan 6 o‘ringa ko‘tarilgan.

Tadbirda ishtirok etish uchun siz hozir, ushbu havola orqali ro‘yxatdan o‘tishingiz mumkin https://t.co/p9FyE87nGo

Ulashish: