O‘zbekiston Meet Global MICE Congress’da

O‘zbekiston Respublikasi 2025-yil 17 - 18-dekabr kunlari Moskvada bo‘lib o‘tayotgan MGMC (Meet Global MICE Congress)da ishtirok etmoqda. Bu anjuman ishbilarmonlik turizmi sohasidagi yetakchi xalqaro forumlardan biri bo‘lib, MICE-industriyasi vakillari, milliy turizm ma'muriyatlari, turistik kompaniyalar, mehmonxona tarmoqlari, aviakompaniyalar va korporativ mijozlarni birlashtiradi.

O‘zbekiston O‘zbekiston Respublikasi Turizm qo‘mitasi ishtirokida tashkil etilgan milliy stend bilan taqdim etilgan. Moskva Xalqaro savdo markazida uchinchi marta o‘tkazilayotgan MGMC 2025 35 mamlakatdan 2500 dan ortiq ishtirokchi, 115 dan ortiq ko‘rgazma ishtirokchisi va 60 dan ortiq soha mutaxassislarini to‘pladi.

O‘zbekiston stendi mamlakatning xalqaro kongresslar, ishbilarmonlik va korporativ tadbirlar, ko‘rgazmalar va biznes-turlar uchun istiqbolli yo‘nalish sifatidagi salohiyatini namoyish etmoqda. Zamonaviy MICE infratuzilmasi, logistika qulayligi va xizmat ko‘rsatishning yuqori darajasiga alohida e’tibor qaratilgan.

Kongress doirasida O‘zbekiston sayyohlik kompaniyalari xalqaro tadbir tashkilotchilari va korporativ mijozlar bilan B2B muzokaralari hamda ishbilarmonlik uchrashuvlarini o‘tkazmoqda.

MGMC Kongressida qatnashish ishbilarmonlik turizmini rivojlantirish va O‘zbekistonning Markaziy Osiyodagi zamonaviy MICE yo‘nalishi sifatidagi o‘rnini mustahkamlash bo‘yicha tizimli faoliyatning bir qismi hisoblanadi.