Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
22–24-aprel kunlari Olmaota shahrida respublikaning turizm sohasidagi eng yirik professional maydoni va muhim tadbiri bo‘lmish KITF-2026 xalqaro turizm ko‘rgazmasi bo‘lib o‘tmoqda.
Dunyoning yetakchi davlatlari qatori O‘zbekiston ham o‘z milliy stendini taqdim etdi. U Turizm qo‘mitasi huzuridagi “Milliy PR-markazi” DM tomonidan tashkil etilgan. O‘zbekiston delegatsiyasi tarkibidan “Milliy PR-markazi” DM xodimlari, “O‘zbekiston havo yo‘llari” AJ hamda “Hotel Pro”, “Oks Tours” va “Silk Road Samarkand” kabi sayyohlik kompaniyalarining vakillari o‘rin olgan.
Ko‘rgazmaning sermazmun uch kunlik dasturidan memorandum va kelishuvlarni imzolash, hududlararo va chegaraoldi hamkorlik dasturlarini amalga oshirish, shuningdek, respublikalar hukumatlari yig‘ilishlari, yalpi majlislar, hunarmandlarning mahorat darslari, seminarlar, taqdimotlar va boshqa tadbirlar o‘tkazish rejalashtirilgan.
Ko‘rgazma davomida delegatsiya a’zolari yangi turistik mahsulotlarni taqdim etadi, shuningdek, joriy yilning noyabr oyida Toshkent shahrida bo‘lib o‘tadigan TXTY–2026 Toshkent xalqaro turizm yarmarkasiga turli mamlakatlardan sheriklar va yirik tashkilotlarni jalb etish bo‘yicha muzokaralar olib boradi.
Har yili KITFda yetakchi xalqaro turoperatorlar va sayyohlik agentliklari, aviakompaniyalar, milliy va hududiy turizm tashkilotlari, yirik mehmonxona tarmoqlari va otellar, tibbiy-sog‘lomlashtirish markazlari, shuningdek, turizm sohasida IT-yechimlarni ishlab chiquvchilar va yetkazib beruvchilar ishtirok etadi.
Ish vaqti: 9:00-18:00, Du-Sh
Har qanday savol uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
Izoh