O‘zbekiston US International Awards 2025 finalchilari safida

Buyuk Britaniyaning “Dars Films” studiyasi bilan hamkorlikda yaratilgan “O‘zbekistonda fasllar” nomli videorolik dunyodagi eng nufuzli tanlovlardan biri hisoblangan US International Awards mukofotining finalchilari qatoridan joy oldi.

Eslatib o‘tamiz, 2025-yilning mart-noyabr oylarida O‘zbekiston ilk bor CIFFT turistik filmlar xalqaro kinofestivallari turkumida ishtirok etadi.

Ma’lumot uchun:

US International Awards (ilgari US International Film & Video Festival nomi bilan tanilgan) brendlangan video mahsulotlari va hujjatli filmlar sohasidagi ajoyib yutuqlarni e’tirof etuvchi nufuzli platformadir. Mukofot 1967-yildan boshlab uzoq tarixga ega. 2021-yilda Yevropaning yirik korporativ kinofestivallar tashkilotchisi Filmservice International tanlov boshqaruvini o‘z zimmasiga oldi va unga yangi kuch hamda tajriba olib keldi. Mukofot Turistik filmlar festivallari xalqaro qo‘mitasi (CIFFT) a’zosi hisoblanadi va CIFFT Circuit — sayyohlik videoroliklarining global tanlovi bilan hamkorlik qiladi.