Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
O‘zbekiston Prezidenti topshirig‘iga ko‘ra 9 ta yangi muzey tashkil etiladi, shundan 7 tasi Samarqanddagi “Muzeylar kvadrati”da joylashadi.
Turizm va Madaniy meros vazirligi hamda uning huzuridagi Madaniy meros agentligi tomonidan Samarqand, Farg‘ona, Xorazm viloyatlari hokimliklari, shuningdek, manfaatdor vazirlik va idoralar bilan birgalikda Samarqand shahrida “Muzeylar kvadrati” faoliyati yo‘lga qo‘yiladi.
O‘zbekiston Respublikasi Bosh vaziri o‘rinbosari – Turizm va madaniy meros vaziri Aziz Abduxakimovning ma’lum qilishicha, “Buyuk ipak yo‘li – O‘zbekiston va Xitoyning oltin merosi” ko‘rgazmasi, “Samarqand – Oʻzbekiston va Rossiya mintaqalari madaniyatlari tutashuvi” ko‘rgazmasi, “Klassisizm” muzeyi, Tarixiy fotosuratlar muzeyi, Zargarlik buyumlari muzeyi, Badiiy koʻrgazmalar zali, an’anaviy liboslar muzeylari tashkil qilinadi.
Bundan tashqari, Qo‘qon shahrida Zamonaviy san’at muzeyi, Urganch shahrida O‘zbekiston zamonaviy san’at muzeyining filiali sifatida Lazgi muzeyi ochilishi rejalashtirilgan.
“Muzeylar kvadrati”ning tashkil etilishi mamlakatimiz muzeylari to‘plamlaridagi boy tarixiy-madaniy merosni to‘liq namoyish etish imkonini beradi.
Ish vaqti: 9:00-18:00, Du-Sh
Har qanday savol uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
Izoh