ENG
RUS
JPN
ARA
FRA
CN
DE
POR
ESP
TUR
ITA
HIN
MALO‘zbekistonda baliqchilikga bag‘ishlangan hujjatli film suratga olinadi
O‘zbekiston Respublikasi Turizm va sport vazirligi tomonidan mamlakatimizning Parijdagi elchixonasi bilan hamkorlikda Fransiyaning “Chasse et Peche TV” telekanali uchun “Globe-pecheurs en Ouzbekistan (Baliqchilar-O‘zbekistonda sayohatchilar)” hujjatli filmini suratga olish uchun taniqli Fransuz rejissyori Pascal Carron hamda jurnalist Bertrand Deveaud O‘zbekistonga tashrifi hamda ushbu tashrif davomida baliq ovlash va sayohat qilishga doir hujjatli film suratga olish yuzasidan kelishuvga erishilingan edi.
Ma’lumot o‘rnida: “Baliqchilar-sayohatchilar” hujjatli filmi Fransiya televideniyasidagi eng yaxshi ma’lumotlar beradigan ilmiy ommabop, hujjatli filmlardan biri hisoblanadi, shuningdek, baliqchi-sayohatchilarning eng sevimli teleshoularidan biri sifatida tan olingan.
Hujjatli filmlarining umumiy tomoshabinlari soni 2 million kishini tashkil etadi. “Chasse et Peche TV” kanali M6 tarkibiga kiradi va Fransiyadagi eng yirik media-xolding hisoblanadi, uning electron sahifasi orqali onlayn tarzda baliq ovlariga sayohat uyushtirish va u yerdagi mutaxassislar bilan baliqchilik sir asrorlarini o‘rtoqlshishingiz mumkin.
Hozirgi kunda mamlakatimizda baliqchilikka bo‘lgan qiziqish ortib bomoqda. Xorijdan Ov turizmiga qiziquvchi sayyohlar uchun yaratilgan qulayliklar uni yanada rivojlantirishga munosib omil bo‘lib hizmat qilmoqda.
Fransuz tomoni taklif va istaklaridan kelib chiqqan holda suratga olish ishlarini O‘zbekistonning eng so‘lim go‘shalarida o‘zining baliq oviga moslashtirilgan hududlari bilan mashhur viloyatlarimiz: Xorazm, Buxoro, Navoiy, Samarqand, Toshkent viloyatlari hamda Toshkent shahri bo‘ylab amalga oshirish rejalashtirilgan.
Suratga olish guruxi 27 - iyun kuni O'zbekistonga kelib, suratga olishni boshladi. 28-29 iyun kunlari fransuz suratga olish guruxi Xorazmga tashrif buyurdi.
Tashrif davomida fransiyalik mehmonlar ekoturizm, agroturizm va mintaqaning tarixiy obidalari bilan tanishdilar.
Xususan, ular Xiva shahridagi "Xiva Qorako'l" fermer xo'jaligida baliq ovlash, Bog‘ot tumanidagi “Qalajiq qal'a” majmuasida agroturizm bilan tanishdilar.
Shuningdek, delegatsiya a'zolari Xorazm viloyatiga tashrifi davomida Xiva shahridagi Ichan qal'a majmuasiga tashrif buyurib, noyob mintaqaning boy tarixi va madaniyati bilan tanishish imkoniga ega bo'ldilar.
Suratga olish yakunida bizni 50-70 daqiqalik O‘zbekistonda baliqchilik ho‘jaligi va baliq ovi haqidagi hujjatli film yaratilishi, telekanalning eng asosiy vaqt (prime time)larida efirga uzatilishi shuningdek, “Amazon Prime Video” onlayn video platformasida 2021-yilning so‘ngida hamda 2022-yilning boshlarida internet orqali e’lon qilinishi rejalashtirilgan.
Izoh qoldirish
Tizimga kirish orqali siz qayta ishlashga rozilik bildirasiz Shaxsiy malumot
Shuningdek, oʻqing
Ish vaqti: 9:00-18:00, Du-Ju
Savollar uchun
O‘zbekiston
Izoh