O'zbekistonda CBT turizm: Jizzax va Samarqand viloyatlarida oilaviy mehmon uylari soni ortib bormoqda

2021-yil 23-26 - avgust kunlari Jizzax va Samarqand viloyatlarida gidlar, sayyohlik tashkilotlari va ommaviy axborot vositalari vakillari uchun media - tur tashkil etildi.

O'zbekiston xususiy sayyohlik tashkilotlari uyushmasi (O'XSTU) va O‘zbekiston Respublikasi Turizm va sport vazirligi ko‘magida “Milliy PR-markazi” DUK tomonidan USAIDning tadbirkorlik va biznes muhitini rivojlantirish bo’yicha loyihasi doirasida tashkil etilgan info-tur CBT-turizmni rivojlantirish va oilaviy mehmon uylarining turistik salohiyatini, shuningdek, sayyohlarga ko‘rsatiladigan xizmatlar majmuasini rivojlantirishga qaratilgan.

CBT (Community based tourism) – bu turizmga asoslangan, mahalliy hamjamiyat vakillari ishtirok etadi va ularning faoliyatidan foyda ko‘riladi. Bugungi kunda O‘zbekistonda CBT -turizmning salohiyati mintaqa va mahalliy jamoalarning madaniy-milliy xususiyatlari bilan uzviy bog‘liqdir. So‘nggi paytlarda CBT-sayyohlar sonining ko‘payishi kuzatilmoqda, unga ko‘ra, oilaviy mehmon uylarning soni ortib bormoqda.

Avvalroq, 2021-yil may oyida USAIDning tadbirkorlik va biznes muhitini rivojlantirish bo’yicha loyihasi doirasida O'XSTU Jizzax, Samarqand va Buxoro viloyatlarida bo‘lajak tadbirkorlar uchun mehmonxona faoliyatini samarali tashkil etish bo‘yicha bir qator o‘quv seminarlarini o‘tkazdi.

O‘quv seminarlarida oilaviy mehmon uylarini boshqarishni rejalashtirgan 200 ga yaqin tadbirkor, shuningdek, 100 ta turoperator va gidlar ishtirok etishdi. Seminarlarda mahalliy aholiga mehmon uylarini tashkil qilish asoslari, biznesni boshqarish, marketing, hisobot berishning asosiy shakllari, xarajatlar va daromadlarni rejalashtirish o‘rgatildi. Shuningdek, seminar ishtirokchilari yangi sayyohlik yo‘nalishlarini ishlab chiqishdi, milliy va yevropa taomlari taomnomasini tuzishdi.O‘tkazilgan tadbirlardan so‘ng, bu hududlarda yangi oilaviy mehmon uylari ko‘paymoqda. Misol uchun, Samarqand viloyati Tersak qishlog‘ida, seminar va treninglardan so‘ng, 35 dan ortiq oilaviy mehmon uylari, Zomin tumanida bir necha oy ichida 40 ga yaqin uylar ochildi, Bugungi kunga kelib, bunday uylar soni umumiy hisobda 80 tani tashkil etmoqda. Ta’kidlash joizki, bu turar joy binolari turistlarga turar joydan tashqari dam olish uchun xizmatlar taklif qilishi mumkin: milliy taomlarni tayyorlash, xalq amaliy san’ati mahsulotlarini tayyorlash, mahalliy diqqatga sazovor joylarga kuzatib borish va mahalliy aholi hayoti va madaniyatini namoyish etish bo‘yicha mahorat darslarini.
Media-tur dasturi doirasida ishtirokchilar Jizzax viloyati Zomin tumani mehmon uylari, Samarqand viloyati Konigil va Tersak qishloqlari faoliyati bilan tanishdilar, shuningdek, Zomin milliy tabiiy bog‘i, Peshg‘or g‘ori va “Xo‘jai serob ota” maqbarasi kabi hududlarning turistik joylariga tashrif buyurdilar. Tadbirning asosiy maqsadi milliy taomlarni tayyorlash jarayoni, mahalliy keklarni pishirish, sut va sut mahsulotlarini qayta ishlash, sariyog‘, qaymoq va boshqa oilaviy mehmon uylarining faoliyati bilan tanishish edi.

Shuningdek ko‘ring

1. Euronews O‘zbekistonning sayyohlik durdonalarini namoyish etdi - Samarqanddan tortib Navoiygacha

2. Mo‘g‘uliston Turizm sohasi vakillari O‘zbekiston sayyohlik salohiyati bilan tanishdilar

3. O‘zbekiston delegatsiyasi “Qatar Travel Mart 2025” ko‘rgazmasida ishtirok etmoqda

4. Euronews, BBC va CNN Sharqning buyuk mutafakkirlari va olimlari haqida roliklar namoyishini boshladi

5. O‘zbekistonning turizm sohasi jadal sur’atlarda o‘sishda davom etmoqda

6. Euronews: An’analar va ijod O‘zbekistonni turizm markaziga aylantirmoqda

7. “Anklavlarga sayohat” dasturi doirasida “Farg‘ona – Batken turistik halqasi” ishlab chiqildi

8. Toshkent 2026-yilda Osiyoning sayohat qilish uchun eng yaxshi manzillari ro‘yxatiga kiritildi

9. “World Travel Market London – 2025” ko‘rgazmasida O‘zbekiston milliy stendi tashkil etildi

10. “Oila kuni”: haftaning har yakshanba kuni oilangiz bilan sayohat qiling

Barchasini ko'rish