Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Ertaga, 2021-yilning 28-oktabr kuni respublikaning barcha hududlarida “Milliy suvenirlar” festivali boshlanadi.
Festival O‘zbekiston Respublikasi Prezidentining 2021-yil 9-fevraldagi “O‘zbekiston Respublikasida ichki va ziyorat turizmini yanada rivojlantirish chora-tadbirlari to‘g‘risida”gi qaroriga muvofiq tashkil etilmoqda.
Festival doirasida folklor-etnografik jamoalar, raqs jamoalarining chiqishlari bilan birga ko‘rgazmalar, yarmarkalar, tanlovlar, hunarmandlarning mahorat saboqlari o‘tkazilishi rejalashtirilgan.
Festivalning ochilish va yakuniy qismi marosimlari Toshkentdagi O‘zbekiston amaliy san’ati va hunarmandchiligi tarixi davlat muzeyida bo‘lib o‘tadi.
Madaniy meros agentligi matbuot xizmati xabariga ko‘ra, festival ichki va tashqi turizmni jadal rivojlantirish, yurtimiz madaniy-tarixiy merosini vatandoshlar va xorijlik mehmonlar o‘rtasida keng targ‘ib etish maqsadida o‘tkazilmoqda.
Mazkur festival mamlakatimizning xavfsiz sayohat va dam olish maskani sifatidagi nufuzini mustahkamlash borasida amalga oshirilayotgan ishlarga munosib hissa qo‘shishdan iborat.
Shuningdek, mahalliy hunarmandlar tomonidan yaratilgan milliy mahsulotlar savdosi yo‘lga qo‘yilsa, respublikamiz muzeylari va madaniy meros ob’ektlariga tashrif buyuruvchilar bevosita ushbu mahsulotlarni targ‘ib qilishlarini ham alohida ta’kidlash joiz.
Bu esa, o‘z navbatida, hududlarni barqaror ijtimoiy-iqtisodiy rivojlantirish, hunarmandlar bandligini ta’minlash, ularni moddiy va ma’naviy qo‘llab-quvvatlashga xizmat qiladi.
Festival yakunlariga ko‘ra, har bir viloyat uchun “Eng yaxshi esdalik sovg‘asi” nominatsiyasi bo‘yicha sovrinlar aniqlanadi, g‘oliblar Toshkent shahrida bo‘lib o‘tadigan festivalning yopilish marosimida e’lon qilinadi.
Bu yerda siz hududlardagi festival manzillarini ko'rishingiz mumkin.
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
