Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Yevropaning “Travel Tomorrow” sayyohlik portali jurnalist Antonio Buskardini tomonidan yozilgan, O‘zbekiston turizm sohasining jadal rivojlanishi va mamlakatning 2030-yilgacha 20 million nafar xorijiy sayyohni jalb etish strategik maqsadiga bag‘ishlangan maqolani e’lon qildi.
Muallif ta’kidlashicha, turizm sohasida O‘zbekistonga bo‘lgan qiziqish barqaror ravishda ortib bormoqda. Rekord darajadagi tashriflar ko‘rsatkichlari, infratuzilmaning jadal rivojlanishi, mehmonxona fondining kengayishi hamda ekoturizm va gastronomik yo‘nalishlar kabi dam olishning yangi turlarining ommalashuvi alohida qayd etiladi. Bunday ko‘p qirrali yondashuv O‘zbekistonni tobora jozibador va raqobatbardosh sayyohlik yo‘nalishiga aylantirmoqda.
Maqolada O‘zbekiston turizm sohasi qanchalik tez sur’atlarda rivojlanayotgani batafsil yoritiladi. Xususan, UN Tourism ma’lumotlariga tayanib, 2025-yilda O‘zbekiston dunyodagi eng tez rivojlanayotgan TOP-7 sayyohlik yo‘nalishidan biri sifatida qayd etilgani ta’kidlanadi.
Nashr yozishicha, tashrif buyuruvchilar sonining tez o‘sishi va turistik xizmatlar ko‘lamining kengayishi O‘zbekistonni xalqaro turizm xaritasida yanada ko‘zga ko‘rinarli qilmoqda hamda soha mutaxassislari va dunyoning turli burchaklaridan kelayotgan sayyohlar e’tiborini jalb etmoqda.
“Travel Tomorrow” nashridagi ushbu maqola O‘zbekistonning turizmni rivojlantirish borasidagi muvaffaqiyatlarini tasdiqlaydi va xalqaro auditoriya e’tiborini tortadi. Xalqaro ommaviy axborot vositalarining ijobiy e’tibori mamlakatning tanib olinadigan sayyohlik qiyofasini shakllantirishga xizmat qilmoqda hamda uni sayyohlar va investorlar uchun yanada jozibador etmoqda.
Ish vaqti: 9:00-18:00, Du-Sh
Har qanday savol uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
Izoh