Xorijiy hamda mahalliy sayyohlar orasida O‘zbekiston targ‘ibotiga doir promo-aksiyalarga start berildi

2020-yilning 15-sentyabrdan 15-oktyabrga qadar xorijiy sayyohlar orasida “O‘zbekiston haqidagi taassurotlar”, mahalliy sayyohlar orasida ichki va xavfsiz turizmni ommalashtirishga yo‘naltirilgan “Mening sayohatim” promo-aksiyalari eʼlon qilindi. Ularda fuqaroligidan qatʼi nazar, barcha shaxslar ishtirok etishi mumkin. 

Promo-aksiyada ishtirok etish tartibi va shartlari: 

- fotosuratlar promo-aksiyada eʼlon qilish ishtirokchining o‘zi tomonidan amalga oshiriladi; 

- Turizmni rivojlantirish davlat qo‘mitasining Facebook ijtimoiy tarmog‘idagi (@uzbektourism.uz  и @uzbekistan.tourism) va Instagram ( @UZBEKTOURISM_OFFICIAL и @uzb_travel) sahifasiga obuna bo‘lish lozim; 

- aksiyada ishtirok etish uchun O‘zbekistonga tashrif buyurgan (tashrifning aniq davri chegaralanmaydi) xorijiy hamda mahalliy sayyohlar mamlakat hududida sayohati davomida olingan fotosuratlarini ijtimoiy tarmoqlardagi (Facebook va Instagram) sahifalariga #UzbekistanImpressions va #MeningSayohatim heshteglari bilan joylashtirish.  

Eslatma: internet tarmog‘ida eʼlon qilinayotgan fotosuratda haqoratlovchi yoki shaʼnga teguvchi so‘zlar bo‘lmasligi hamda ushbu fotosuratlar salbiy tusga ega bo‘lmasligi lozim. 

Bir oy davomida tashkil etiladigan aksiya doirasida ijtimoiy tarmoqlardagi sahifalarda #UzbekistanImpressions va #MeningSayohatim heshteglari bilan joylashtirilgan ishtirokchilar ro‘yxati shakllantirilib boriladi. 

Shakllantirilgan ishtirokchilar ro‘yxatini saralash va tasodifiy g‘olibni aniqlash joriy yilning 30-oktyabr kuni onlayn www.random.org generatori orqali Qo‘mita tomonidan amalga oshiriladi. 

Promo-aksiyaning 2 nafar (har ikkala yo‘nalishda) g‘olibiga tashkilotchilar tomonidan g‘oliblik sertifikati va O‘zbekiston turizm brendi logotipi tushirilgan esdalik sovg‘alari jamlanmasi topshiriladi. 

Shuningdek, aksiya yakuni bilan har bir yo‘nalish bo‘yicha Komissiya tomonidan tanlangan “Eng yaxshi fotosuratlar” Qo‘mitaning rasmiy veb-saytlari hamda boshqa manbalarda eʼlon qilinadi. 

Maʼlumot o‘rnida:

-shartlarga to‘liq amal qilinmagan, jumladan ko‘rsatilgan heshteglardan foydalanilmagan va Qo‘mitaning ijtimoiy tarmoqlardagi sahifalariga aʼzo bo‘lmagan ishtirokchilar nomzodi ko‘rib chiqish uchun qabul qilinmaydi; 

-g‘olib nomzod yuzasidan takliflar promo-aksiya mezonlariga javob bermagan holatlarda komissiya uning sabablarini ko‘rsatmagan holda rad etish huquqiga egadir; 

-g‘oliblarga mukofotlarni topshirish marosimini o‘tkazish COVID-19 koronavirus pandemiyasi bilan bog‘liq karantin davri tugagach. Mamlakatimiz hamda xorijiy davlat fuqarolarini shuningdek, xorijdagi vatandoshlarimizni ushbu tashkil etilayotgan promo-aksiyalarimizda faol ishtirok etib, maftunkor O‘zbekiston bo‘ylab yana qayta sayohat qilishga chorlab qolamiz!

Shuningdek ko‘ring

1. Euronews O‘zbekistonning sayyohlik durdonalarini namoyish etdi - Samarqanddan tortib Navoiygacha

2. Mo‘g‘uliston Turizm sohasi vakillari O‘zbekiston sayyohlik salohiyati bilan tanishdilar

3. O‘zbekiston delegatsiyasi “Qatar Travel Mart 2025” ko‘rgazmasida ishtirok etmoqda

4. Euronews, BBC va CNN Sharqning buyuk mutafakkirlari va olimlari haqida roliklar namoyishini boshladi

5. O‘zbekistonning turizm sohasi jadal sur’atlarda o‘sishda davom etmoqda

6. Euronews: An’analar va ijod O‘zbekistonni turizm markaziga aylantirmoqda

7. “Anklavlarga sayohat” dasturi doirasida “Farg‘ona – Batken turistik halqasi” ishlab chiqildi

8. Toshkent 2026-yilda Osiyoning sayohat qilish uchun eng yaxshi manzillari ro‘yxatiga kiritildi

9. “World Travel Market London – 2025” ko‘rgazmasida O‘zbekiston milliy stendi tashkil etildi

10. “Oila kuni”: haftaning har yakshanba kuni oilangiz bilan sayohat qiling

Barchasini ko'rish