Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Joriy yilning 29-may kuni Qashqadaryo viloyatining Kitob tumanida joylashgan “Qaynar” va “Bashir” qishloqlariga “Turizm qishlog‘i” maqomini tasdiqlovchi sertifikatlar Turizm qo‘mitasi tomonidan qishloq aholisiga tantanali tarzda topshirildi.
Marosimda Turizm qo‘mitasi, viloyat va tuman hokimliklari vakillari, mahalliy keng jamoatchilik hamda ommaviy axborot vositalari ishtirok etdilar. Shuningdek, ichki turizm sohasida faoliyat yuritayotgan turoperatorlar, turagentlar, mehmonxonalar, xostellar, mehmon uylari egalari va boshqa turizm sohasi vakillari ham marosimga taklif etildi.
Tadbir doirasida mahalliy hunarmandlar tomonidan tayyorlangan milliy hunarmandchilik buyumlar ko‘rgazmasi, hamda mehmonlarga taqdim etilgan o‘zbek milliy taomlari barchada katta taassurot qoldirdi. Qolaversa, Kitob tuman madaniyat bo‘limi ijodkorlari hamda folklor jamoalarining sahna chiqishlari mehmonlarda alohida qiziqish uyg‘otdi. Mahalliy ohanglar, qadimiy raqslar va kuy-qo‘shiqlar tadbirga milliy ruh va samimiy kayfiyat olib keldi.An’anaviy qadriyatlar, mehmondo‘stlik va madaniy boyliklar uyg‘unligidagi ushbu qishloqlar endilikda turistlar uchun yanada jozibador maskanga aylanadi.
“Turizm qishlog‘i” maqomi nafaqat ushbu hududlar obro‘sini oshiradi, balki u yerda yashayotgan aholining bandligini ta’minlash, infratuzilmani rivojlantirish va iqtisodiy imkoniyatlarni kengaytirishga ham xizmat qiladi.
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
