Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Buxoro nafaqat qadimiy me’morchiligi va boy tarixi bilan, balki turli agro- va ekoturizm markazlari bilan ham butun dunyodan sayyohlarni o‘ziga jalb etadi. Masalan, Qoraqir ko‘lidagi ekoturizm markazi Peshku tumanida joylashgan. Ta’kidlash lozimki, viloyat o‘zining tabiiy manzillari va qadimiy yodgorliklari, jumladan 12 ta arxeologik, 12 ta me’moriy va tarixiy qadamjolari hamda “Xo‘ja Peshku” majmuasi bilan mashhur.
Qoraqir ko‘li va ekomarkazda joylashgan o‘rmon xo‘jaligi alohida o‘ringa ega. Markaz Buxorodan 40 km uzoqlikda joylashgan boʻlib, ov turizmiga ixtisoslashgan. Markazning maydoni o‘n ikki ming gektarni tashkil etadi. Markaz “Bukhara Hunting” mas’uliyati cheklangan jamiyati tomonidan tashkil etilgan bo‘lib, baliq ovlash va ov qilishni, shuningdek, “yovvoyi tarzda” dam olishni yaxshi ko‘radiganlar uchun keng ko‘lamdagi xizmatlar turini taklif etadi.
Agar baliq ovlash haqida gapiradigan bo‘lsak, Qoraqir ko‘li mazali va yirik baliqlar ishqibozlari uchun juda mos keladi. Bu yerda sazan, sudak, jerex (oq qayroq), do‘ngpeshana, ilonbosh baliq va, albatta, suvning eng tubidagi qumli chuqurlarning sohiblari - som baliqlari bor! Shunisi diqqatga sazovorki, eng katta baliq O‘zbekistonda, aniqrog‘i, Aydarko‘l ko‘lida ovlangan. Uning vazni 432 kilogramm edi! Qoraqir ko‘lida ham salmoqli vazndagi som baliqlari topilgan.
Mahalliy aholi aytganidek, bu yerda ko‘pincha yirik som balig‘i ovlanadi va ular buni qurbaqalar, qurtlar, jigar, go‘sht va baliq filesi yordamida qilishadi. O‘zining o‘lchamlari va ta’mi bilan mashhur bo‘lgan yana bir baliq – jerex (oq qayroq). Uni turli vositalar yordamida ovlash mumkin: metall va yelim ilgak, tayyor baliq ozuqalari.
Qizig‘i shundaki, go‘zal ekomarkaz va Qoraqir ko‘li cho‘lning o‘rtasida joylashgan bo‘lib, bu yerda nafaqat baliq ovlash, balki ov qilish ham rivojlangan. Odamlar O‘zbekistonning barcha hududlaridan ekomarkazga tabiat qo‘ynida ot va tuyada sayr qilish, yovvoyi hayvonlarni ovlash, shifobaxsh buloqlarda cho‘milishdan zavqlanish uchun keladi.
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
