Samarqanda "Samarkand Half marathon " xayriya marafoni bo‘lib o‘tdi

1103

Xabar berganimizdek joriy yilning 6-7 noyabr kunlari Samarkand Half marathon bo‘lib o‘tdi.

6-noyabr kuni “Ipak yo‘li” xalqaro turizm va madaniy meros universitetida nogironligi bo‘lgan shaxslarni ish bilan ta’minlash, ularning bandligi masalasiga jamoatchilik e’tiborini qaratish, bu boradagi muammolarni aniqlashga bag‘ishlangan xalqaro anjuman bo‘lib o‘tdi, tadbirda – “Garaj” zamonaviy san’at muzeyidan inklyuziv dasturlar koordinatori Lyudmila Luchkova, Davlat Tretyakov galereyasining Maxsus dasturlar bo‘limi katta menejeri Mariya Sarycheva, rus impressionizm muzeyining ta’lim va inklyuziv dasturlari kuratori Elena Sharova, Boris Yeltsin prezidentlik markazi fondi inklyuziv dasturlari kuratori Elena Vozmischeva, A.S. Pushkin nomidagi davlat tasviriy san’at muzeyi fanlararo loyihalar bo‘limi yetakchi mutaxassisi Aleksey Debabov, Voronejdagi “Perspektiva” ROOI nogironlarni ish bilan ta’minlash bo‘limi koordinatori Elena Glagoleva, ishtirok etishdi. Muhokama chog‘ida ma’ruzachilar mahalliy va xalqaro xususiy kompaniyalarda nogironligi bo‘lgan shaxslarni ishga joylashtirish bo‘yicha mavjud tajribani taqdim etdilar, ularni ishga jalb etish bo‘yicha mamlakatimiz qonunchiligidagi mavjud imkoniyat va cheklovlarni aniqladilar o‘z tavsiyalarini berishdi. Shuningdek, 6 noyabr kuni Samarqand shahrida joylashgan "Garaj" zamonaviy san'at Jamg’armasi hamda Muzeyi Garage Screen Film festivali doirasida “Friklar kodeksi” filmi namoyishini o’tkazildi.

Madaniy dastur yakunida Registon maydonida Marsyld, Tim Kari & ETNK, Botir Dosimbetov, Shavkat Matyakubov va DJ Sam kabi jahon va mahalliy yulduzlar tadbir ishtirokchilari va mehmonlar uchun turli ijro janrlari bilan boyitilgan konsert dasturini taqdim etdilar.

7-noyabr kuni Samarqanddagi yarim marafon yugurish yo‘lagi eng go‘zal va qiziqarli trassalardan biri bo‘lib, yugurish marshruti davomida ishtirokchilar shaharning barcha asosiy diqqatga sazovor joylarini ko‘rishdi va unutilmas ta’ssurotlar qoldirishdi. Yarim marafon Registon tarixiy ansambli yonida boshlandi. Yarim marafon yugurish yo’lagi AIMS xalqaro marafonlari va yugurish assotsiatsiyasi tomonidan sertifikatlangan. Har bir masofa uchun belgilangan vaqt chegarasida marraga yetib kelgan barcha ishtirokchilar, finalchilarning esdalik medallarini qo‘lga kiritadilar. G‘oliblar uchun sovrin jamg‘armasi tashkil etildi. 1-o‘rindan 3-o‘ringacha bo‘lgan mutlaq hisobdagi g‘oliblar pul mukofotlari bilan taqdirlanadilar.

Ma’lumot uchun:

Samarkand Half Marathon – bu yillik xalqaro xayriya musobaqasi. O’zbekiston Respublikasi Madaniyat vazirligi huzuridagi madaniyat va san’atni rivojlantirish Jamg‘armasi, O‘zbekiston Respublikasi Turizm va sport vazirligi hamda Samarqand viloyati va Samarqand shahar hokimliklari bilan hamkorlikda ushbu tadbirni tashkil etildi.

Xayriya marafonidan ko‘zlangan asosiy maqsad – mamlakatimizda joylashgan madaniyat va san’at ob’ektlarida inkluzivlik muammosiga jamoatchilik e’tiborini jalb qilish, shuningdek, sog‘lom turmush tarzini ommalashtirish va O‘zbekistonda sport turizmini rivojlantirishdan iborat. Yarim marafondan kelib tushgan mablag‘lar imkoniyati cheklangan shaxslarni madaniyat muassasalariga ishga joylashtirish uchun xayriya maqsadida sarflanadi.