Samarqandda xalqaro gastronomik festival bo‘lib o‘tadi

05.10.2022 1084

Mazali oʻzbek taomlari va milliy ta’mlarining ishqibozlariga shu yilning kuzida Samarqandga tashrif buyurishlarini tavsiya etamiz. 7-8-oktyabr kunlari ushbu qadimiy shaharda Xalqaro gastronomik festival bo‘lib o‘tadi.

Keng ko‘lamli tadbirda xorijiy davlatlar, shuningdek, O‘zbekistonning barcha 14 viloyatidan kelgan oshpazlar jamoalari, jumladan, xorijiy mamlakatlardan kelgan sayyohlarga xizmat ko‘rsatuvchi umumiy ovqatlanish tarmoqlarining yetakchi oshpazlari ishtirok etadi.

Tanlov dasturlari natijalari vakolatli hakamlar hay’ati tomonidan baholanadi. Eng yaxshi taomlar mualliflari qimmatbaho sovg‘alar bilan taqdirlanadilar.

Festival mamlakatimizning gastronomik salohiyatini ommalashtirish, gastronomik turizm sohasida xalqaro hamkorlikni rivojlantirish, shuningdek, milliy pazandalik an’analarini targ‘ib qilish orqali sayyohlar oqimini ko‘paytirishga xizmat qiladi.

Tadbir Turizm va madaniy meros vazirligi, Samarqand viloyati hokimligi va O‘zbekiston oshpazlar uyushmasi hamkorligida tashkil etilmoqda.

Ulashish:

Izoh

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:

Tizimga kirish orqali siz qayta ishlashga rozilik bildirasiz Shaxsiy malumot

Sayohatchiga

Shuningdek, oʻqing

Rossiyaning “НТВ” telekanali “Поедем, поедим!”dasturi ijodiy guruhi O‘zbekistonda

O‘zbekiston Dushanbe shahrida bo‘lib o‘tayotgan “Markaziy Osiyo milliy taomlari” festivalida ishtirok etmoqda

Zarkentda “Uzum sayli” va “Vinochilik festivali” bo‘lib o‘tadi

Hammasini ko'rish