Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
2024-2025-yillarda turistlarga faol xizmat ko‘rsatib kelayotgan mahalliy turoperator, mehmonxona, transport, tibbiy muassasa, oilaviy mehmon uyi vakillari va gid-tarjimonlarni e’tirof etish maqsadida “Silk Road Tourism Awards” tanlovi e’lon qilinmoqda.
Tanlov 12 ta nominatsiya bo‘yicha o‘tkaziladi: “Xalqaro bronlash platformalarida eng yuqori baholangan mehmonxona”, “Mehmondo‘stlik va xizmat ko‘rsatish bo‘yicha yetakchi mehmonxona”, “Kirish turizm yo‘nalishida eng faol turoperator”, “Ichki turizm yo‘nalishidagi eng faol turoperator”, “Ziyorat turizm yo‘nilishidagi eng faol turoperator”, “Xorijiy sayyohlarni qabul qilishda eng faol sanatoriy”, “Tibbiy turizm targ‘ibotini tashkil qilishda eng faol sanatoriy”, “Xorijiy sayyohlarni qabul qilishda eng faol oilaviy mehmon uyi”, “Qo‘shimcha xizmatlar tashkil qilgan kreativ oilaviy mehmon uyi”, “Turizm logistikasida faol transport tashkiloti”, “Eng faol gid”, “Eng kreativ gid”.
Tanlov ikki bosqichda tashkil qilinib, dastlab tanlovda ishtirok etish maqsadida bo‘lgan turizm vakillari o‘z hududining turizm boshqarmalariga elektron shaklda ariza bilan 10-noyabr sanasiga qadar murojaat qiladi hamda so‘nggi 2-yilda amalga oshirilgan ishlar bo‘yicha ma’lumotlarni taqdim qiladi.
Keyingi bosqichda barcha hududlardan saralab olingan 12 ta nominatsiya bo‘yicha turizm sohasi vakillari to‘g‘risidagi ma’lumotlar mahalliy aholi hamda turistlar tomonidan onlayn ovoz berish uchun 18-noyabr sanasiga qadar maxsus veb-saytga joylashtiriladi.
Joriy yilning 23-noyabr sanasi onlayn ovoz berishning yakuniy kuni hisoblanadi va nominatsiyalar kesimida eng ko‘p onlayn ovoz to‘plagan ishtirokchi tanlov g‘olibi hisoblanadi.
Tanlov g‘oliblari 29-noyabr kuni CAEx (Central Asian Expo Uzbekistan) markazida “Ipak yo‘lida turizm” Toshkent xalqaro turizm yarmarkasi doirasida taqdirlanadi.
Ish vaqti: 9:00-18:00, Du-Sh
Har qanday savol uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
