Sog‘liqni saqlashga sarmoya kiritish: umrni uzaytirishning va bu orqali pul topishning oddiy usuli

Hozirgi kunda salomatlik mavzusi va immunitetni mustahkamlash, umrni uzaytirish butun dunyodagi kabi O‘zbekistonda ham dolzarb mavzuga aylandi. Shunday oddiy va ilmiy asoslangan usullardan biri piyoda yurishdir.

Bunday xulosaga Amerika kardiologiya uyushmasi mutaxassislari kelishdi. Joriy yilning 20-21-may kunlari turmush tarzi va salomatlikka bag‘ishlangan “EPI Lifestyle 2021” mavzusidagi xalqaro anjumanda ular tomonidan taqdim etilgan ma’ruzada har kunlik piyoda yurish bilan bog‘lik jismoniy faollik, zinapoyadan ko‘tarilish va boshqa kundalik ishlar umrni uzaytirishi bayon etildi.

Fitnes-ilova yordamida olti yil davomida olimlar 60 yoshdan yuqori bo‘lgan 16 mingdan ortiq ayol organizmiga uzluksiz piyoda yurishning samarali ta’sirini kuzatib borishdi. Bu vaqtda 804 ta o‘lim holati qayd etildi. Tadqiqot natijalariga ko‘ra, qisqa jismoniy faollik davomida ko‘proq qadam bosgan (4500 dan ortiq) ishtirokchilar uzoqroq umr ko‘rishgan. Tadqiqotlar shuningdek, har kuni 2000 dan ortiq qadam bosuvchi ko‘ngillilarda o‘lim holati 32%ga kamayganini, har bir qo‘shimcha 1000 qadam mazkur ko‘rsatkichlarni 28% yaxshilaganini ko‘rsatdi.

Sog‘liqni yaxshilash va umrni uzaytirishning bunday usuli O‘zbekistonni ham chetlab o‘tmadi. Aholining sog‘lom turmush tarzini ko‘tarish va ommaviy sportni tatbiq etish maqsadida O‘zbekiston Respublikasi hukumati tomonidan bir qator hujjatlar qabul qilindi (PF-6099, 2020.30.10 va VMQ-253, 2021.28.04.). Unga ko‘ra, o‘zbekistonliklarning muayyan qadam bosganliklari uchun pul mukofoti ko‘rinishidagi rag‘batlantirishni nazarda tutuvchi “Sog‘lom turmush tarzi” platformasi ishga tushirildi. Platformadahttps://1hls.uz/# veb-sayti va mobil ilova mavjud.
Har kungi sayrlarda pul ishlab olish uchun telefoningizga 1hls ilovasini yuklab olish hamda o‘rnatish, shaxsiy antrometrik ma’lumotlar va elektron hamyon raqamini tizimdan ro‘yxatdan o‘tkazish kifoya xolos. Pul mablag‘lari qo‘yilgan vazifalarni muvaffaqiyatli bajargan taqdirga sutka davomida avtomatik tarzda o‘tkaziladi. Shuningdek, sutkada 10 ming qadam bosganlarga 3000 so‘m qo‘shimcha pul o‘tkaziladi. Bundan tashqari, o‘z shahri yoki hududida eng yuqori natijalarga erishganlar muayyan muddat ichida 300 mingdan 500 ming so‘mgacha bo‘lgan miqdorda qo‘shimcha pul mablag‘ini qo‘lga kiritadi.
Ayni paytda mobil ilovalari test rejimida ishlamoqda, joriy yilning 1-iyunidan boshlab esa ilova o‘z faoliyatini to‘liq boshlaydi.

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:


Tizimga kirish orqali siz qayta ishlashga rozilik bildirasiz Shaxsiy malumot